Dagiti Pakaammo

◼ Literatura a tukon iti Nobiembre: Pannakaammo a Mangiturong iti Biag nga Agnanayon iti ₱20.00. Disiembre: New World Translation iti Ingles wenno Ti Nasantuan a Kasuratan a kadua Ti Biblia—Saot’ Dios wenno iti Tao? iti ₱100.00. Enero: Bassit nga edision ti libro nga Agbiag nga Agnanayon iti nalaklaka a kontribusion a ₱20.00. (Kitaenyo ti pakaammo iti Oktubre a Ti Ministeriotayo iti Pagarian.) Pebrero: Life—How Did It Get Here? By Evolution or by Creation?, dakkel nga edision iti ₱60.00, bassit nga edision iti ₱30.00. Nupay kasta, kadagiti teritoria a di makasao ti Ingles, maitukon ti bassit nga edision ti libro nga Agbiag nga Agnanayon iti nalaklaka a kontribusion a ₱20.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat iti ngato masapul nga agpedidodan iti sumaruno a binulan a Literature Order Form (S-AB-14).

◼ Dagiti agibumbunannag nga agpangpanggep nga ag-auxiliary pioneer iti Disiembre iyawatda koma a nasapa ti aplikasionda tapno makaaramid dagiti panglakayen kadagiti maikanatad nga urnos iti literatura ken teritoria.

◼ Plano ti Sosiedad ti mangyurnos iti panangipatarus nga agpaay kadagiti tuleng iti umuna a “Dagiti Mensahero ti Nadiosan a Talna” a Kombension Distrito iti Quezon City inton Disiembre 20-22, 1996. Gapuna, tumabuno koma iti daytoy a kombension ti asinoman a tuleng a makaawat iti sign language, tangay awan ti maangay a panangipatarus nga agpaay kadagiti tuleng iti dadduma a kombension.

◼ Panagbalbaliw iti Kombension Distrito: Pangngaasiyo ta kitaenyo iti listaan dagiti kombension a ti kombension nga immuna a naiyeskediul para iti Marikina, Metro Manila, ket maangay idiay Pasig City. Awan panagbalbaliw iti petsa.

◼ Maysa nga order blank a pagpediduan iti 1997 Yearbook ti naipatulod iti kada kongregasion a kakuyog ti Hunio nga statement ti kuenta. No saanyo pay a nasuratan daytoy, pangngaasiyo ta aramidenyon ket ipatulodyo iti Sosiedad a saan a naladladaw ngem Nobiembre 15, 1996 kas nakiddaw.

◼ Palagip Kadagiti Sekretario ti Kongregasion: No adda dagiti agibumbunannag iti kongregasionyo a mapan agnaed iti sabali a pagilian, pangngaasiyo ta ikagumaanyo nga ipatulod ti Publisher Record card-da iti maitutop a kongregasion iti kasapaan a panawen aginggat’ mabalin. Nakaawatkami kadagiti report a masansan a sa la maasikaso iti naespirituan dagidiay mapan agnaed iti sabali a pagilian kalpasan ti sumagmamano a bulan a kaaddada sadiay. Tapno maliklikan daytoy, ikagumaanyo nga alaen ti umiso a direksionda sakbay a pumanawda, wenno apaman a makasangpetda sadiay. Iti kastoy a pamay-an, uray no diyo maala ti direksion ti sekretario ti kongregasion sadiay, maipatulodyo ti record card iti sanga nga opisina ti Sosiedad iti dayta a pagilian agraman ti surat a mangilawlawag iti kasasaad ken mangipaay iti eksakto a direksion. Iti kasta maipatulodda ti impormasion iti kaasitgan a kongregasion tapno matulonganda iti naespirituan.