Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw iti paspaset ti Teokratiko nga Eskuelaan ti Panagministro bayat dagiti lawas ti Mayo 5 ingganat’ Agosto 18, 1997. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanan: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Pudno wenno Ulbod:
1. Sinurot ni Ezekias dagiti addang ni amana a ni Acaz, babaen ti panangitandudona iti panagdaydayaw kadagiti ulbod a didios iti Juda. [it-1 p. 1103]
2. Dagiti kasasaad ti maudi nga al-aldaw masarakan laeng iti Mateo 24, Marcos 13, ken Lucas 21. [kl-IL kahon iti p. 102]
3. Ti saludsod ni Juan a Mammautisar a masarakan idiay Lucas 7:19 ipalgakna nga isut’ agkurang iti pammati. [Linawas a panagbasa iti Biblia; kitaenyo ti w87-IL 1/1 p. 16.]
4. Iti maudi a Paskua ni Jesus a kadua dagiti adalanna, ni Pedro laeng ti nangibaga kenkuana: “Dikanto pulos paglikudan.” [Linawas a panagbasa iti Biblia]
5. Awan ti pammaneknek iti Biblia a mangipamatmat a ni apostol Pedro ket naasawaan a lalaki. [Linawas a panagbasa iti Biblia]
6. Ti Pagarian nga inkasaba ni Jesus ket sumarsaruno, wenno sumegunda iti sapasap a kinasoberano ti Dios. [kl-IL p. 91 par. 4]
7. Ni Herodes Antipas ti agturay a nangibilin iti pannakapugot ni Juan a Mammautisar. [it-1 p. 1095]
8. Idi imbaga ni Jesus kadagiti Fariseo a ti Pagarian ti Dios adda iti tengngada, tuktukoyenna ti bagina a kas ti masanguanan nga Ari. (Luc. 17:21) [kl-IL p. 91 par. 6]
9. Awan ti nainkalintegan a panangilawlawag no apay a ti libro ni Lucas ad-adu ti linaonna a bokabulario ngem ti agtitipon a sabali a tallo nga Ebanghelio. [si-IL p. 187 par. 2]
10. Awan dagiti miembro ti Bagi a Manarawidwid a nakabisita iti dagdaga ti Makindaya a Europa bayat a naparitan ti trabaho iti dayta a paset ti lubong. [jv-IL p. 506 par. 1]
Sungbatanyo dagiti sumaganad a saludsod:
11. Ania a pelikula nga inruar ti Sosiedad idi 1954 ti nangipaay kadagiti nagbuya iti sangalubongan iti pakasirpatan iti kadakkel ti organisasion ni Jehova? [jv-IL p. 480 par. 4]
12. Kadagiti ania a pamay-an a parparmeken ti dadduma nga agibumbunannag ti karit a pannakasarak kadagiti tattao a kasarita iti ministerio? [jv-IL p. 516 par. 1-3]
13. Apay a binilin ni Jehova ni Elias a “mangpulot ken Hazael kas ari iti Siria”? (1 Ar. 19:15) [it-1 p. 1046]
14. Ania ti kayat a sawen ni Jesus idi kinunana: “Maaddaankayo iti asin iti bagbagiyo, ket salimetmetanyo ti talna iti nagbabaetan ti maysa ken maysa”? (Mar. 9:50) [Linawas a panagbasa iti Biblia; kitaenyo ti w85-IL 5/15 p. 24 par. 12.]
15. Ania a napateg a leksion ti masursurotayo manipud iti reaksion ni Jesus iti kontribusion ti napanglaw a balo? (Mar. 12:42-44) [Linawas a panagbasa iti Biblia; kitaenyo ti w87-IL 12/1 p. 29 par. 7–p. 30 par. 1.]
16. Kasano a makita ti dadduma kadagiti kababalin ni Pedro iti estilo ti panagsurat ni Marcos, ken nalabit ania ti makagapu iti daytoy? [si-IL p. 182 par. 5-6]
17. No idilig iti Mateo 6:9, 10 ken Lucas 11:2-4, apay nga agkonklusiontayo a ti modelo a kararag saan a nairanta a maulit a sao por sao? [Linawas a panagbasa iti Biblia; kitaenyo ti w90-IL 5/15 p. 16 par. 6.]
18. Iti ania a pamay-an a mapabileg ti panagtalektayo iti kinapudno ti Biblia no basaentayo dagiti teksto a kas iti Lucas 3:1, 2? [si-IL p. 188 par. 7]
19. Ania dagiti kasuratan iti Salmo ken iti Hebreo a mangipakita a saan a nangrugi a dagus a nagturay ni Jesus kalpasan ti iyuulina idiay langit? [kl-IL p. 96 par. 15]
20. Yantangay ammotayo a pulos a saan a nagkurang ti pammati ni Jesus iti Dios, apay a nagpukkaw: “Diosko, Diosko, apay a binaybay-annak?” (Mar. 15:34) [Linawas a panagbasa iti Biblia; kitaenyo ti w87-IL 6/15 p. 31.]
Ipaayyo ti sao wenno sasao a kasapulan a mangan-anay iti tunggal maysa kadagiti sumaganad nga ebkas:
21. Ti panagasawa ni Herodes Antipas ken ni Herodias ket agpadpada a ․․․․․․․․ ken ․․․․․․․․ iti sidong ti linteg a Judio. [it-1 p. 1100]
22. Kiniddaw ni Moises ti kayongna a ni ․․․․․․․․, nga agserbi a ․․․․․․․․ para iti nasion ti Israel bayat ti iyaakarda manipud iti rehion ti Bantay Sinai nga agturong iti ․․․․․․․․. [it-1 p. 1126]
23. Tinulongan ni ․․․․․․․․, ari ti Tiro, ni Solomon a mangibangon ti templo idiay Jerusalem babaen ti panangipaayna kadagiti ․․․․․․․․ ken ․․․․․․․․. [it-1 p. 1121]
24. Naibaon da Harold King ken Stanley Jones idiay ․․․․․․․․ idi 1947, a mamagbalin iti dayta a maysa kadagiti kaunaan a pagilian iti Dumaya a nakaibaonan dagiti nasanay-Gilead a misionero. [jv-IL p. 489 par. 2]
25. Ti nagan ․․․․․․․․ nga inusar dagiti misionero a nangasaba idiay West Indies ket ․․․․․․․․ ken ․․․․․․․․. [jv-IL p. 463 par. 1]
Pilienyo ti umiso a sungbat iti tunggal maysa kadagiti sumaganad a sasao:
26. Tapno maipaay dagiti kasapulan a misionero, naipasdek ti Eskuelaan (ti Teokratiko a Ministerio; ti Ministerio ti Pagarian; ti Gilead) idi (1939; 1943; 1946). [jv-IL p. 458 par. 2]
27. Ni (Alejandro; Diotrefes; Himeneo), maysa nga apostata idi umuna a siglo, ti nabatad a nangisuro a ti panagungar ket simboliko ket awanto ti panagungar dagiti natay iti masanguanan. [it-1 p. 1164]
28. Imbilin ni (Herodes Agrippa I; Herodes Antipas; Herodes a Dakkel) ti pannakapapatay dagiti ubbing a lallaki nga awan pay dua a tawenda kalpasan la unay ti pannakaipasngay ni Jesus. [it-1 p. 1093]
29. Ti panangrabrabak ni Ismael ken Isaac, a nadakamat idiay Genesis 21:8, 9, tandaanna ti panangrugi ti panawen ti (400; 430; 450) a tawen a pannakaidadanes dagiti Judio, a nagpatingga iti pannakaispal ti Israel manipud (Asiria; Babilonia; Egipto) idi (537; 740; 1513) K.K.P. [it-1 p. 1216]
30. Kas nailanad iti (Mateo 10; Mateo 24; Lucas 21), nangted ni Jesus kadagiti espesipiko nga instruksion kadagidiay imbaonna a mangasaba. [si-IL p. 180 par. 31]
Itupagyo dagiti sumaganad a kasuratan kadagiti sasao a nailista iti baba:
Marcos 7:20-23; 13:10; Lucas 8:31; Aramid 12:20-23; 17:11
31. Masapul nga alistotayo a mangilasin iti aniaman a di nadiosan wenno makapadakes nga impluensia a mabalin a sumrek iti isip ken pusotayo ket rumbeng nga ikkatentayo sakbay a rumamutda. [Marcos 7:20-23] [Linawas a panagbasa iti Biblia; kitaenyo ti w89-IL 11/1 p. 14 par. 16.]
32. Makikaduanto dagiti demonio ken Satanas iti arig natay a kasasaad nga awan maaramidanda bayat “ti sangaribo a tawen.” (Apoc. 20:3) [Lucas 8:31] [Linawas a panagbasa iti Biblia]
33. Kasapulan ti kinaganat tapno maibanag ti sangalubongan a trabaho a panangasaba iti limitado a tiempo. [Marcos 13:10] [Linawas a panagbasa iti Biblia; kitaenyo ti w95-IL 10/1 p. 27.]
34. Pinulpullo a ribu a tattao ti sinursuruan dagiti Saksi ni Jehova nga agbasa ken agsurat, a nangipaay kadagiti tattao iti gundaway a personal a mangadal iti Biblia. [Aramid 17:11] [jv-IL p. 466 par. 3-4]
35. Rumbeng a naannad dagiti tattao a mangpadayaw iti bagbagida agsipud ta ti kinatangsit ket talaga a di makaay-ayo iti Dios, a kas met kadagiti adu a tattao. [Aramid 12:20-23] [it-1 p. 1097; kitaenyo met ti w94-IL 9/1 p. 21.]