Dagiti Pakaammo

◼ Literatura a tukon iti Setiembre: Ti Sekreto ti Kinaragsak iti Pamilia iti ₱20.00. Oktubre: Makatawen a suskripsion ti Pagwanawanan wenno Agriingkayo! iti ₱120.00. Mangrugi iti arinunos ti bulan, maiwarasto ti Kingdom News No. 35. Nobiembre: Agtultuloy ti kampania iti Kingdom News No. 35 iti umuna a kagudua ti bulan. Kalpasanna, maitukon ti libro a Pannakaammo. Disiembre: New World Translation iti Ingles wenno Ti Nasantuan a Kasuratan agraman Ti Biblia—Saot’ Dios wenno iti Tao? iti ₱100.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat iti ngato masapul nga agpedidodan iti sumaruno a binulan a Literature Order Form (S-AB-14).

◼ Mangrugi iti Oktubre, ipaay dagiti manangaywan iti sirkito ti palawag publiko a napauluan iti “Usarenyo ti Edukasion a Mangidayaw ken Jehova” kabayatan ti panagbisitada kadagiti kongregasion.

◼ Ti mamangulo a manangaywan wenno siasinoman a dutokanna masapul nga usigenna ti kuenta ti kongregasion inton Setiembre 1 wenno di agbayag kalpasanna aginggat’ mabalin. Mayanunsio iti kongregasion no naaramiden daytoy.

◼ Mapalagipan dagiti panglakayen a surotenda dagiti instruksion a naipaay iti panid 21-3 ti Abril 15, 1991 a Pagwanawanan, maipanggep kadagiti siasinoman a nailaksid wenno naisina a kasla mayat a sumubli.

◼ Iti Oktubre ken Nobiembre, addanto naisangsangayan a panagiwaras iti Kingdom News No. 35. Nasayaat daytoy a tiempo kadagidiay makapag-auxiliary pioneer. Paregtaendakay amin nga iplanoyo daytoy a kalat.

◼ Adu pay ti abastotayo nga Ingles a tomo ti Pagwanawanan manipud 1951 agingga iti 1959 ket paregtaenmi dagiti indibidual ken dagiti kongregasion nga agpedidoda kadagitoy para iti teokratiko a librariada.

◼ Insingasing ti “Saludsod” iti Mayo, 1997 a Ministeriotayo iti Pagarian nga agannadtayo iti pannakikadua kadagiti agibumbunannag iti kasungani a sekso no agtartrabahotayo iti ministerio. Adda dagiti nasayaat a rason tapno agannadtay amin iti daytoy a banag. Saanna a kayat a sawen a dagiti manangaywan iti sirkito wenno dagiti dadduma a kakabsat a lallaki dida mabalinen ti makipagtrabaho kadagiti kakabsat a babbai iti tay-ak ti ministerio. Imbes ketdi, nautob a saan a nainsiriban ti regular a pannakikuykuyog ti kabsat a lalaki iti isu met laeng a babai a dina kabagian nga is-isuda laeng.

◼ Baro a Videocassette a Magun-odan:

The Bible—Its Power in Your Life (Daytoy ti maika-3 kadagiti serye maipapan iti Biblia. Agibumbunannag: ₱300.00; Payunir: ₱240.00.)—Ingles

◼ Magun-odan Manen:

Watchtower Library—1995 Edition iti CD-ROM—Ingles (Pakaammo: No agpedidokayo kadagiti literatura, laglagipen koma dagiti kongregasion a ti CD-ROM ti Sosiedad ket saan a basta ited iti uray siasino. Nangnangruna a nairanta dayta para kadagiti agibumbunannag.)