Dagiti Pakaammo

◼ Literatura a tukon iti Oktubre: Makatawen a suskripsion Ti Pagwanawanan wenno Agriingkayo! iti ₱120.00. Mangrugi iti arinunos ti bulan, maiwarasto ti Kingdom News No. 35. Nobiembre: Agtultuloy ti kampania iti Kingdom News No. 35 iti umuna a kagudua ti bulan. Kalpasanna, maitukon ti libro a Pannakaammo. Disiembre: New World Translation iti Ingles wenno Ti Nasantuan a Kasuratan agraman Ti Biblia—Saot’ Dios wenno iti Tao? iti ₱100.00. Enero: Nagkaykaysa iti Panagdayaw iti Maymaysa a Pudno a Dios wenno ti bassit a libro nga Agbiag nga Agnanayon iti ₱20.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).

◼ Inton Nobiembre 1, maseknan ti adu a tattao kadagiti natay a patpatgenda, gapuna nasayaat nga usaren ti tract nga Aniat’ Namnama Kadagiti Ing-ingungoten a Natayen? ken ti broshur a No Adda Matay nga Ay-ayatenyo no mangasaba iti binalaybalay wenno kadagiti sementerio iti dayta nga aldaw.

◼ Ti suplemento iti daytoy a ruar Ti Ministeriotayo iti Pagarian ket ti “Eskediul iti Teokratiko nga Eskuelaan ti Panagministro Para iti 1998” ket maidulin koma a reperensia iti intero a 1998.

◼ Yantangay addaan iti lima a ngudo ti lawas, mabalin a maitutop ti bulan ti Nobiembre a panag-auxiliary pioneer dagiti adu.

◼ Addaankayo kadi kadagiti abasto a handbill a mangipakita kadagiti oras ti gimongyo. No awan, mabalinyo ti agpedido iti abastoyo iti Handbill Order form (S-AB-16).

◼ No di pay nagpedido dagiti kongregasion iti Panangsukimat Kadagiti Kasuratan iti Inaldaw-aldaw—1998, agpedidoda koman a dagus. Amin a kongregasion kayatda nga addanto koman dagitoy a bokleta para kadagiti agibumbunannag a mangrugi nga usarenda inton Enero 1, 1998. Special-request items dagitoy a bokleta.