Dagiti Pakaammo

◼ Literatura a tukon iti Nobiembre: Agtultuloy ti kampania iti Kingdom News No. 35 iti umuna a kagudua ti bulan. Kalpasanna, maitukon ti libro a Pannakaammo. Disiembre: New World Translation iti Ingles wenno Ti Nasantuan a Kasuratan agraman Ti Biblia—Saot’ Dios wenno iti Tao? iti ₱100.00. Enero: Nagkaykaysa iti Panagdayaw iti Maymaysa a Pudno a Dios wenno ti bassit a libro nga Agbiag nga Agnanayon iti ₱20.00. Pebrero: Life—How Did It Get Here? By Evolution or by Creation?, dakkel nga edision iti ₱60.00, bassit nga edision iti ₱30.00. Nupay kasta, kadagiti teritoria a di makapagsao iti Ingles, itukon koma ti bassit a libro nga Agbiag nga Agnanayon iti ₱20.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).

◼ Dagiti agibumbunannag nga agpalplano nga ag-auxiliary pioneer iti Disiembre itedda koma a nasakbay ti aplikasionda tapno makaaramid dagiti panglakayen kadagiti kasapulan nga urnos para iti literatura ken teritoria.

◼ Plano ti Sosiedad nga iyurnos ti senias para kadagiti tuleng iti umuna a “Pammati iti Sao ti Dios” a Kombension Distrito idiay Quezon City inton Disiembre 26-28, 1997. Gapuna, siasinoman a tuleng a makaawat iti sign language tabunuanda koma daytoy a kombension, yantangay awan ti programa para kadagiti tuleng iti sabsabali a pagkombensionan.

◼ Panagbalbaliw ti Gatad:

New World Translation of the Holy Scriptures (Deluxe, DLbi12) Agibumbunannag: ₱200.00; Payunir: ₱160.00. Pangngaasiyo ta laglagipenyo a para laeng daytoy iti dakkel nga edision, saan a nagbalbaliw ti gatad ti bassit a Biblia.

Mangrugi iti 1998 nga edision ti Panangsukimat Kadagiti Kasuratan iti Inaldaw-aldaw awanen ti pioneer rate. Dagiti regular pioneer iti listaan sakbay ti Hulio 1, 1997, umawatda iti libre a kopia ngem aniaman a kanayonan a kopia magun-od iti ₱10.00.