Dagiti Pakaammo

◼ Literatura a tukon iti Hulio ken Agosto: Mabalin nga itukon ti aniaman kadagiti broshur iti ₱7.50, ngem paregtaenmi dagiti amin nga itampokda a nangnangruna ti baro a broshur a Libro Para iti Amin a Tao. Setiembre: Ti libro a Pannakaammo iti ₱25.00. Oktubre: Makatawen a suskripsion Ti Pagwanawanan wenno Agriingkayo! iti ₱120.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).

◼ Tangay adda lima a Sabado ken lima a Domingo iti Agosto, nagsayaat daytoy a tiempo a panag-auxiliary pioneer dagiti adu. Maparegta dagidiay makabael nga itedda a nasakbay ti aplikasionda.

◼ Inton Sabado, Agosto 29, 1998, addanto sapasap a panagdalus iti Pagtaengan a Bethel idiay Quezon City, isu a nakaserranto ti opisina iti dayta nga agsapa ket awanto ti agipasiar iti dayta nga aldaw. Agserranto met iti dayta nga agsapa ti opisina ti literature reception.

◼ Baro a Compact Discs a Maala:

Kingdom Melodies on Compact Disc, Tomo 8 (Agibumbunannag ken Payunir: ₱100.00)