Repaso iti Teokratiko nga Eskuelaan ti Panagministro

Repaso iti Teokratiko nga Eskuelaan ti Panagministro

Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Mayo 4 ingganat’ Agosto 24, 1998. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.

[Tandaanam: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]

Sungbatanyo ti tunggal maysa kadagiti sumaganad a sasao iti Pudno wenno Ulbod:

1. Sigun iti rekord ti Biblia, namitlo a simmarungkar ni Pablo idiay Corinto. [si-IL p. 214 par. 3]

2. Mangrugi dagiti addang nga agturong iti Nakristianuan a bautismo babaen iti panangipapuso iti umiso a pannakaammo ken Jehova a Dios ken ni Jesu-Kristo. [kl-IL p. 173 par. 7]

3. Ti kababagas ti Efeso 5:13 ket dagiti nailubongan nga ar-aramid a maibutaktakda a basol ken mabigbig dagitoy a basol no mamatmatanda sigun iti lawag ti Sao ti Dios. [Linawas a panagbasa iti Biblia; kitaenyo ti it-2 p. 254 par. 3.]

4. Mateggedtayo ti biag babaen ti panagserbi ken Jehova a Dios. [kl-IL p. 182 par. 4]

5. Ti teksto idiay Galacia 5:26 ibilangna a di nasayaat dagiti amin a makikompetision nga isport ken ay-ayam para kadagiti pudno a Kristiano. [Linawas a panagbasa iti Biblia; kitaenyo ti g95-IL 12/8 p. 15 par. 8.]

6. Nupay situtured a kiniddawna ti bagi ni Jesus tapno ikabilna iti tanem, masapul a parmeken ni Jose iti Arimatea ti panagbutengna kadagiti di manamati a Judio. [it-2 p. 112 par. 8]

7. Inaramid ni Pablo ti surat kadagiti taga Filipos sumagmamano la a bulan kalpasan a nabuangayna ti kongregasion idiay Filipos, ket dayta ti tinignay dagiti serioso a parikut a rimsua iti ummongda. [si-IL p. 224 par. 3]

8. Kas dinakamat ti 1 Timoteo 3:16, ni Jesus “napaneknekan a nalinteg iti espiritu,” gapu ta nagunggonaan iti naespirituan a biag iti panagungarna; daytoy katupagna ti panagkuna ti Dios a ni Jesus ket naan-anay a nalinteg ken maikari kadagiti natantan-ok pay a rebbengen. [Linawas a panagbasa iti Biblia; kitaenyo ti w90-IL 1/15 p. 13 par. 12.]

9. “Ti pannakaluk-at” a tuktukoyen ti Filipos 1:23 ket nalawag a ti namnama ni Pablo a pannakaitimpuyog a dagus ken Kristo kalpasan ti ipapatay. [Linawas a panagbasa iti Biblia; kitaenyo ti w95-IL 3/1 p. 30 par. 4.]

10. Insurat ni Pablo ti 1 Timoteo idi nagbaetan ti tiempo ti pannakaluk-atna iti damo a pannakaibaludna idiay Roma ken ti ultimo a pannakaibaludna sadiay. [si-IL p. 234 par. 2]

Sungbatanyo dagiti sumaganad a saludsod:

11. Iti ania a pamay-an a dadduma a taga Corinto makiramramanda kadagiti emblema a “di maikari” no agtitiponda a mangselebrar iti Memorial ti ipapatay ni Kristo? (1 Cor. 11:27) [Linawas a panagbasa iti Biblia; kitaenyo ti w90-IL 2/15 p. 19 par. 17.]

12. Ti kaadda dagiti siasino impangtana ti pagimbagan ti kongregasion ti Corinto, a nakatignayan ni Pablo a mangisurat iti maikadua a suratna iti Corinto? [si-IL p. 214 par. 2]

13. Kasano a subadan ni Jehova ti aniaman nga isakripisiotayo gapu iti panagdayaw kenkuana? [kl-IL p. 169 par. 20]

14. Ania ti naibanag dagiti panagapelar iti nangatngato a korte maipapan kadagiti banag a mangapektar iti pudno a panagdayaw? [jv-IL p. 683 par. 4]

15. Iti panangusarna iti Sao ti Dios, kasano a mangipaay ni Pablo iti nagsayaatan nga ehemplo para kadagiti ministro a Kristiano itatta? [si-IL p. 217 par. 19]

16. Ania ti kayat a sawen ni apostol Pablo idi kinunana a “nainayon [ti Linteg] tapno maiparangarang dagiti salungasing”? (Gal. 3:19) [Linawas a panagbasa iti Biblia; kitaenyo ti uw-IL p. 147 par. 3-4.]

17. Idiay Filipos 1:3-7, maipaay kadagiti ania a rason a komendaran ni Pablo dagiti kakabsat, ken kasano a magunggonaantayo iti ehemploda? [si-IL p. 225 par. 12]

18. Apay a rumbeng a suroten dagiti amin a Kristiano a ministro ti balakad a nailanad idiay Colosas 4:6? [si-IL p. 228 par. 13]

19. Ania ti kayat a sawen ni apostol Pablo idi kinunana a tarigagayanna a dagiti babbai “arkosanda dagiti bagbagida . . . buyogen ti kinaemma”? (1 Tim. 2:9) [Linawas a panagbasa iti Biblia; kitaenyo ti g90-IL 6/22 p. 19 par. 2.]

20. Apay a rumbeng nga ipangag dagiti Kristiano ti pakdaar ni Pablo idiay 1 Timoteo 6:4 mainaig kadagiti “nabassawang a panagsasao”? [si-IL p. 236 par. 15]

Ipaayyo ti sao wenno dagiti sao a kasapulan a mangan-anay iti tunggal maysa kadagiti sumaganad nga ebkas:

21. Bayat ti tawen ․․․․․․․․, napirmaan ti maysa a tulagan ti ․․․․․․․․ ken ti Nazi nga Alemania ket nangyussuat ni Hitler iti kampania a mangikisap kadagiti ․․․․․․․․ idiay Alemania. [jv-IL p. 659 par. 2]

22. Makagunggona unay ti umuna a surat ni Pablo kadagiti taga Corinto iti panangpalawana iti pannakaawattayo iti ․․․․․․․․, nga isut’ nagadawanna iti adu. [si-IL p. 213 par. 23]

23. Iti suratna kadagiti taga Galacia, pinaneknekan ni Pablo a ti pannakapalinteg ket maigapu iti ․․․․․․․․ ken Kristo Jesus, saan a gapu kadagiti aramid ti ․․․․․․․․, ket ngarud di nesesita ti ․․․․․․․․ dagiti Kristiano. [si-IL p. 218 par. 6]

24. Iti umuna a suratna kadagiti taga Tesalonica, namimpat a nadakamat ni Pablo ti ․․․․․․․․ ni Jesu-Kristo, a masinunuo nga interesado ti kongregasion iti daytoy a sursuro. [si-IL p. 231 par. 15]

25. Ti maikadua a surat kadagiti taga Tesalonica ket insurat ni ․․․․․․․․ idi adda idiay ․․․․․․․․ idi tawen ․․․․․․․․. [si-IL p. 232 par. 4]

Pilienyo ti umiso a sungbat iti tunggal maysa kadagiti sumaganad a sasao:

26. Iti panangisalaysayna iti kalinteganna nga agbiag baeten iti ministerio, tuktukoyen ni Pablo ti (Talmud; Mishnah; Linteg ni Moises), a kunana a di koma busalan dagiti animal nga agbambannog ket dagiti (Levita; Netineo; dagiti papadi iti pamilia ni Aaron) nga agserserbi iti templo umawatda iti bingayda iti altar. [si-IL p. 213 par. 24]

27. Ti surat ni Pablo kadagiti taga Galacia mangipaay iti kaitarusan ti Isaias 54:1-6, nga inlatakna ti babai a kukua ni Jehova a kas ti (naindagaan a Jerusalem; ti Jerusalem sadi ngato; ti Baro a Jerusalem). (Gal. 4:21-26) [si-IL p. 219 par. 16]

28. Idiay Efeso 1:10, ti “panangaywan” tuktukoyenna (ti Mesianiko a Pagarian; ti Bagi a Manarawidwid; ti wagas ti panangimaton ti Dios kadagiti gannuat ti sangakabbalayanna). [si-IL p. 221 par. 8]

29. (Dagiti Judaizer; ti klase klero iti Kakristianuan; ti Babilonia a Dakkel) maidasig “iti tao ti kinakillo” a nadakamat iti 2 Tesalonica 2:3. [Linawas a panagbasa iti Biblia; kitaenyo ti w90-IL 1/15 p. 18 par. 11.]

30. No pagduaduaam unay ti maysa a tao bayat ti panaginnarem, ti nainsiriban nga aramidem ket (palubosam dagiti romantiko a riknam a mangparmek kadagiti panagduaduam; gupden ti relasion; ikidemmo dagita matam kadagiti serioso a kamali nga inanamaem a sumayaatto dagiti bambanag kalpasan ti kasar). [fy-IL p. 24 par. 19]

Itupagyo dagiti sumaganad a kasuratan kadagiti sasao a nailista iti baba:

Num. 16:3; 1 Cor. 10:11, 12; 2 Cor. 4:7; 2 Cor. 8:14; Jud. 1

31. No ipangpangruna ti maysa a tao ti Nakristianuan a ministerio iti biagna, sagrapenna ti inted-Dios a pannakabalin. [Linawas a panagbasa iti Biblia; kitaenyo ti w90-IL 3/1 p. 29 par. 5.]

32. Ipangagtayo koma ti mamakdaar nga ehemplo dagiti Israelita nga indauluan ni Moises ken liklikantayo ti agkammatalek iti bagitayo. [si-IL p. 213 par. 23]

33. Dagiti naparabur a sagut nga aggapu kadagiti Kristiano nga addaan makatulongda iti pakasapulan dagidiay adda kadagiti lugar nga awanan, idinto a ti regta ken panagibtur dagidiay marigrigat mabalin a gubuayan ti rag-o ken pammaregta kadagiti nagdonar. [Linawas a panagbasa iti Biblia; kitaenyo ti w93-IL 12/15 p. 21 par. 20.]

34. Dagiti adipen ni Jehova tarigagayanda koma a taginayonen ti naayat, mannakitinnulong a kababalin iti maysa ken maysa; ti panagtanabutob makadadael iti nasayaat a relasion kadagiti sabsabali. [it-2 p. 184 par. 6]

35. Masapul nga agannadtayo a di mangsapul iti kinatan-ok babaen iti pananggundaway iti panagkakabsat iti lasag. [it-2 p. 132 par. 1]