Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Setiembre 7 ingganat’ Disiembre 21. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
Tandaanam: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Pudno wenno Ulbod:
1. Idiay 2 Timoteo 1:6, “ti sagut” tuktukoyenna ti abilidad nga agsao iti nadumaduma a lenguahe a naited ken Timoteo babaen ti panagtignay ti nasantuan nga espiritu ti Dios. [Linawas a panagbasa iti Biblia; kitaenyo ti w85-IL 11/1 p. 16 par. 15.]
2. Ti nataengan a Kristiano ‘sanayenna ti pannakabalin ti pannakaawatna a mangilasin agpadpada iti umiso ken di umiso’ babaen ti panangyugalina iti panangusar iti aniaman a pannakaammona iti Sao ti Dios. (Heb. 5:14) [Linawas a panagbasa iti Biblia; kitaenyo ti w85-IL 12/15 p. 9 par. 7.]
3. Nupay dagiti Saksi ni Jehova nairehistroda kadagiti gobierno kas relihioso nga asosasion, ti autorisasion a panangitultuloy iti pudno a panagdaydayaw nabatad a di namunganay iti asinoman a tao wenno aniaman a natauan a gobierno. [jv-IL p. 696 par. 1]
4. Ni Santiago a nagsurat iti Biblia ket isu met laeng ti Santiago a pannakangiwat “dagiti apostol ken dagiti panglakayen” idi tiempo ti desision maipapan iti panagkugit. (Ara. 15:6, 13; Sant. 1:1) [si-IL p. 248 par. 2-3]
5. Nupay kunaen ti 1 Pedro 5:13 nga adda ni Pedro idiay Babilonia idi insuratna ti umuna a suratna, ipamatmat dagiti ebidensia a ti nagan a Babilonia ket nalimed a panangtukoy iti Roma. [si-IL p. 251 par. 4]
6. Ti sasao nga “umay ti antikristo” idiay 1 Juan 2:18 tuktukoyenna ti maysa nga indibidual. [Linawas a panagbasa iti Biblia; kitaenyo ti rs-IL p. 36 par. 4.]
7. Ti di panagkinnaawatan a rimsua a resulta ti pannakaupay ni Pablo ken Marcos, a nadakamat idiay Aramid 15:36-41, ket saan a pulos a naikkat. [it-2 p. 320 par. 4]
8. Ti libro nga Apocalipsis ket naikabil a maudi iti Biblia, agsipud ta dayta ti maudi a libro nga insurat ni apostol Juan. [si-IL p. 263 par. 1]
9. Siuumiso nga iladawan ti Apocalipsis 13:11-15 no kasano a ti Anglo-Americano a Pannakabalin ti Lubong nagbalin a kangrunaan a mangitantandudo ken mangmangted-biag agpadpada iti Liga de Naciones ken ti kasunona, ti Naciones Unidas. [Linawas a panagbasa iti Biblia; kitaenyo ti w88-IL 12/15 p. 19 par. 3.]
10. Ti bilin nga ayatenyo ti maysa ken maysa, a naibaga idiay Juan 13:34, ket “baro a bilin” agsipud ta kabbaro dayta ngem ti Linteg Mosaiko. [jv-IL p. 711 par. 3]
Sungbatanyo dagiti sumaganad a saludsod:
11. Ania ti kayatna a sawen a ti manangaywan saan a “manangkabil”? (Tito 1:7) [Linawas a panagbasa iti Biblia; kitaenyo ti w90-IL 9/1 p. 27 par. 21.]
12. Kasano nga ammotayo nga insuro da Loida ken Eunice ni Timoteo kadagiti Kasuratan? [it-2 p. 262 par. 9]
13. Ania ti kayat a sawen ni Jesus idi kinunana, “Sakripisio ken daton saanmo a kinayat”? (Heb. 10:5) [Linawas a panagbasa iti Biblia; kitaenyo ti w96-IL 7/1 p. 14 par. 3.]
14. Kasano a dagiti Kristiano ‘parmekenda ti lubong’? (1 Juan 5:3, 4) [si-IL p. 258 par. 12]
15. Ania ti ramanen ti sasao ni Pedro nga ‘agtalinaedkayo a silalagip unay iti aldaw ni Jehova’? (2 Ped. 3:12) [Linawas a panagbasa iti Biblia; kitaenyo ti w97-IL 9/1 p. 19 par. 2.]
16. Ania ti ramanen ti naespirituan a kinadalus, ken kasano a makatulong daytoy a mangsalaknib iti pamilia ti maysa? (2 Cor. 7:1) [fy-IL p. 46 par. 14]
17. Maitunos iti Apocalipsis 1:7, kasano a ni Jesus makitanto dagidiay nangduyok kenkuana nga “umay a buyogen dagiti ulep”? [Linawas a panagbasa iti Biblia; kitaenyo ti w93-IL 5/1 p. 22 par. 7.]
18. Kasano a dagiti nasalukag a Kristiano ‘asikasuenda ti bagbagida ken agtalinaed a siririing’? (Luc. 21:34, 36) [jv-IL p. 714 par. 4]
19. Kasano a dagidiay mangbukel iti maymaysa a pudno a Nakristianuan nga organisasion itatta nakagtengda iti umiso a pannakatarus iti Sao ti Dios? [jv-IL p. 708 par. 3]
20. Ania dagiti Nainkasuratan a pagannurotan a masapul a tungpalen ti maymaysa a pudno a Nakristianuan nga organisasion iti maudi nga al-aldaw? [jv-IL p. 706 par. 3]
Ipaayyo ti sao wenno dagiti sao a kasapulan a mangan-anay iti tunggal maysa kadagiti sumaganad nga ebkas:
21. Masapul a dagiti agassawa ․․․․․․․․ iti maysa ken maysa, a laglagipenda a ․․․․․․․․ napatpateg ngem ti makinruar a langa. [fy-IL p. 26 kahon ti repaso]
22. Ipakita ti surat ni Pablo kadagiti Hebreo a dagiti nadumaduma a paset ti ․․․․․․․․ nagserbida a padron nga inaramid ti Dios a mangipatuldo kadagiti natantan-ok a banag nga umay, a nagngudo amin ken ․․․․․․․․, ti kaitungpalan ti Linteg. [si-IL p. 247 par. 23]
23. Iti 2 Pedro 1:5-8, inrekomenda ni apostol Pedro ti ․․․․․․․․ a mangpatanor kadagiti nadiosan a kalidad a manglapped kadatayo nga agbalin nga ․․․․․․․․ wenno ․․․․․․․․. [si-IL p. 255 par. 9]
24. No agsarita dagiti agassawa, nakapatpateg ti ․․․․․․․․ ken ti ․․․․․․․․. [fy-IL p. 36 par. 21]
25. Ni Maria nga ina ni Jesus ket kameng iti tribu ni ․․․․․․․․ ken kaputotan ni David; babaen kenkuana, ik-ikutan ni Jesus ti kalintegan a ․․․․․․․․ “iti trono ni David nga amana.” (Luc. 1:32) [it-2 p. 346 par. 4]
Pilienyo ti umiso a sungbat iti tunggal maysa kadagiti sumaganad a sasao:
26. Idi damo a pannakaibalud ni Pablo idiay Roma, ni (Onesiforo; Onesimo; Onan), maysa a nagpuga nga adipen ti sangakabbalayan ni (Felipe; Festo; Filemon), ti maysa kadagidiay dimngeg iti panangasabana. [si-IL p. 241 par. 2]
27. Ti (ayat; panagraem; kinamanagpadagus) madepinar a kas “panangikabilangan kadagiti sabsabali, panangpadayaw kadakuada.” [fy-IL p. 30 par. 7]
28. Idiay Lucas 14:28, agsasao ni Jesus maipapan iti (nasaksakbay a panagplano; saan a panangsayang iti kuarta; panangliklik iti panagutang). [fy-IL p. 40 par. 4]
29. Ti “kina-apo” a nadakamat iti Judas 8 tuktukoyenna ti (saad ni Jesus; kinasoberano ni Jehova; inted-Dios nga autoridad iti kongregasion Kristiano). [si-IL p. 263 par. 9]
30. Iti Apocalipsis 11:11, “ti tallo ket kagudua nga aldaw” idi ti napulotan agparang a kas natay a bangkay iti imatang dagiti kabusorda, tuktukoyenna ti (tallo ket kagudua a tawen; maysa nga ababa a tiempo; tallo ket kagudua a bulan). [Linawas a panagbasa iti Biblia; kitaenyo ti re-IL p. 167 par. 21.]
Itupagyo dagiti sumaganad a kasuratan kadagiti sasao a nailista iti baba:
Prov. 8:30; Mat. 19:13-15; Heb. 2:1; Sant. 4:15; 1 Ped. 3:4
31. Tapno malabanantayo ti impluensia ti di agsarday a propaganda nga isangsango kadatayo daytoy a lubong, rebbengtayo nga “ipaayan ti ad-adda ngem ti gagangay a panangipangag” iti Sao ti Dios babaen ti nasayaat nga ugali a panagadal ken ti nasayaat nga eskediul iti panagbasa iti Biblia. [Linawas a panagbasa iti Biblia; kitaenyo ti w98-IL 1/1 p. 7 par. 9.]
32. No agplanotayo maipaay iti masanguanan, rebbeng a sikakararag a panunotentayo no kasano a maibagay dayta iti panggep ti Dios. [Linawas a panagbasa iti Biblia; kitaenyo ti w97-IL 11/15 p. 21 par. 10-11.]
33. “Ti naulimek ken naalumamay nga espiritu” ti Kristiano nga asawa a babai ken ina saan laeng a makaay-ayo iti asawana no di ket nangnangruna a makaay-ayo iti Dios. [Linawas a panagbasa iti Biblia; kitaenyo ti w89-IL 5/15 p. 19 par. 12.]
34. Iti panangsurotna iti ulidan ni Jehova, ikagumaan koma ti naimbag nga ama a patanoren ti nabara, naayat a relasion iti anakna manipud pannakaipasngay ti anakna. [fy-IL p. 54 par. 7]
35. Tangay saan a mangidumduma ni Jesus iti panangbendisionna kadagiti ubbing, saan koma a matmatan ti maysa a natantan-ok dagiti ubbing a lallaki ngem dagiti babbai. [fy-IL p. 52 par. 4]