Dagiti Pakaammo

◼ Literatura a tukon iti Disiembre: New World Translation a Biblia agraman ti libro a Pannakaammo wenno ti libro a Saot’ Dios iti ₱125.00. Wenno itukon ti broshur a Libro Para iti Amin a Tao ken ti Biblia iti ₱107.50. Enero: Nagkaykaysa iti Panagdayaw iti Maymaysa a Pudno a Dios iti ₱25.00. Mabalin nga itukon kas sandi ti bassit nga edision ti libro nga Agbiag nga Agnanayon iti ₱20.00. Pebrero: Ti Sekreto ti Kinaragsak iti Pamilia iti ₱25.00. Marso: Ti libro a Pannakaammo iti ₱25.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).

◼ Ti mamangulo a manangaywan wenno siasinoman a dutokanna masapul nga usigenna ti kuenta ti kongregasion inton Disiembre 1 wenno di agbayag kalpasanna aginggat’ mabalin. Mayanunsio iti kongregasion no naaramiden daytoy.

◼ Adda sangkabassit nga abastotayo a libro a Life Everlasting—in Freedom of the Sons of God iti Iloko, kasta met ti libro a Things in Which It Is Impossible for God to Lie iti Hiligaynon. Nupay daanen a publikasion dagitoy, nalabit adda sumagmamano nga indibidual wenno kongregasion nga agtarigagay a maaddaan iti kopia tapno makompleto ti librariada. Mapedido koma dagitoy babaen ti kongregasion ken agipatulodkami agingga a maibus ti limitado a suplaytayo. Ti kontribusion ti kada libro ket ₱20.00.

◼ Nasken a siguraduen dagiti agibumbunannag a mayurnosda ti agserbi idiay tay-ak iti nasapa a paset ti Disiembre. No tumabunokayo iti kombension wenno agbakasionkayo, wenno awankay iti kongregasionyo iti ngudo ti Disiembre, siguraduenyo nga ited ti reportyo iti sekretario sakbay a pumanawkayo. No sipapanunottayo amin nga agreport iti umiso a tiempo, kompletonto ti reporttayo iti Disiembre.

◼ Teksto iti Tawen 1999: Ti teksto iti tawen 1999 ket naadaw iti 2 Corinto 6:2: “Adtoy! Itan ti aldaw ti pannakaisalakan.” Iyurnos koma amin a kongregasion ti panangikabilda iti baro a teksto ti tawen iti Kingdom Hall-da inton Enero 1, 1999.

◼ Eskediul ti Panagadal iti Libro ti Kongregasion: Manipud iti lawas ti Pebrero 1-7 agingga inton Marso 15-21, 1999, adalento dagiti kongregasion ti baro a broshur a mairuar iti “Dalan ti Dios iti Biag” a Kombension Distrito. Siguraduen koma dagiti agibumbunannag ti mangala iti bukodda a broshur iti kombension tapno addanto usarenda inton Pebrero 1, iti Panagadal iti Libro ti Kongregasion.

◼ Baro a Publikasion a Magun-odan:

Apply Yourself to Reading and Writing (Kasla magasin ti kadakkelna a broshur nga 64 ti panidna para kadagidiay agsursuro nga agbasa ken agsurat, nga addaan kadagiti ilustrasion; Gatad para iti agibumbunannag ken payunir: ₱17.50.)—Ingles