Repaso iti Teokratiko nga Eskuelaan ti Panagministro
Panangrepaso iti material a nasaklaw kadagiti paset iti Teokratiko nga Eskuelaan ti Panagministro kadagiti lawas ti Mayo 3 agingga iti Agosto 23, 1999, a di agusar iti libro a pagreperensiaan. Agusarkayo iti sabali a papel a pangisuratanyo iti sungbat kadagiti saludsod a kabaelanyo a sungbatan iti las-ud ti naituding nga oras.
[Palagip: Kabayatan ti panagrepaso, ti Biblia laeng ti mabalin nga usaren a pangsungbat iti aniaman a saludsod. Dagiti reperensia kalpasan dagiti saludsod ket mausar iti personal a panagsukimatyo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Pudno wenno Ulbod:
1. Saan koma nga ikompromiso ti nagannak dagiti prinsipio ti Biblia tapno nainkalintegan ti panangaywanda kadagiti annakda. [fy-IL p. 108 par. 14]
2. Ti tema ti intero a Biblia isu ti pannakaalangon ni Jehova babaen ti Pagarian nga iturayan ti naikari a “bin-i.” (Gen. 3:15) [si-IL p. 17 par. 30]
3. Manmano ti ebidensia ti arkeolohia ken dadduma pay a gubuayan a mangpasingked iti kinaumiso dagiti pasamak a nailanad iti Exodo. [si-IL p. 20 par. 4]
4. Dagidiay agbibiag iti nakaro a kinapanglaw awan maitulongda a kuarta a maipaay kadagiti interes ti Pagarian. [w97-IL 9/15 p. 5 par. 7]
5. Ti annongen a panagsubad kadagiti nagannak ken appong ket paset ti panagdaydayawtayo ken Jehova. (1 Tim. 5:4) [w97-IL 9/1 p. 4 par. 1-2]
6. Ti panagngilin iti Sabbath ket maysa idi a tanda iti nagbaetan ni Jehova ken kadagiti amin a nasion. [Linawas a panagbasa iti Biblia; kitaenyo ti rs-IL p. 30 par. 1.]
7. No dakkelen ti ubing ket mangrugin nga agdesision a bukbukodna, dakdakkelen ti sungsungbatanna kadagiti tignayna, nangnangruna no maipapan iti linteg ti Dios. (Roma 14:12) [fy-IL p. 135 par. 17]
8. Insurat ni Moises ti libro a Levitico idi tawen 1513 K.K.P. [si-IL p. 25 par. 3-4]
9. Natungpal idi 66 K.P. ti sasao ni Jesus a nailanad iti Lucas 21:20, 21 idi a nagsanud manipud Jerusalem dagiti buyot a Romano nga indauluan ni Heneral Tito. [w97-IL 4/1 p. 5 par. 3-4]
10. Ti pannursuro ni Epicurus ket napeggad kadagiti Kristiano gapu ta naibatay dayta iti panangmatmatna a mangipasimudaag iti kinaawan pammati, kas nadeskribir iti 1 Corinto 15:32. [w97-IL 11/1 p. 24 par. 5]
Sungbatanyo dagiti sumaganad a saludsod:
11. Ania a leksion ti maadaltayo iti pannakaiparit ti pannangan iti taba a nailanad iti Levitico 3:17? [Linawas a panagbasa iti Biblia; kitaenyo ti w84-E 2/15 p. 29 par. 2.]
12. Apay nga impalubos ni Jehova ti agtultuloy a kaadda ni Satanas a Diablo? (Ex. 9:15, 16) [Linawas a panagbasa iti Biblia; kitaenyo ti w92-IL 3/15 p. 10 par. 14.]
13. No adda nakaro a sakit ti maysa a miembro ti pamilia, ania dagiti umuna nga addang nga aramiden ti pamilia tapno maikeddengda dagiti rumbeng nga iyun-una? (Prov. 15:22) [fy-IL p. 122 par. 14]
14. Kasano idi a ti nasion ti Israel ket “maysa a pagarian a papadi”? (Ex. 19:6) [Linawas a panagbasa iti Biblia; kitaenyo ti w95-IL 7/1 p. 16 par. 8.]
15. Ania ti nagdumaan ti mata a “simple” ken ti mata a “nadangkes”? (Mat. 6:22, 23) [w97-IL 10/1 p. 26 par. 5]
16. Kasano a maikuna a nagna ni David iti “kinatarnaw ti puso ken kinasingpet” idinto ta nagbasol? (1 Ar. 9:4) [w97-IL 5/1 p. 5 par. 2]
17. Aniada a moderno-aldaw a pribilehio ti inladawan ti panangaramid dagiti Israelita iti “kasta” mainaig iti tabernakulo? (Ex. 39:32) [Linawas a panagbasa iti Biblia; kitaenyo ti w95-IL 12/15 p. 12 par. 9.]
18. Aniat’ ipasimudaag ti panangipalgak ni Jehova iti bagina kas “agbalinakto sigun iti pagbalinakto”? (Ex. 3:14) [Linawas a panagbasa iti Biblia; kitaenyo ti w95-IL 3/1 p. 10 par. 6.]
19. Ania a leksion ti insuro ti pasamak a nakainaigan da Nadab ken Abiu a nailanad iti Levitico 10:1, 2? [Linawas a panagbasa iti Biblia; kitaenyo ti w84-E 2/15 p. 29 par. 3.]
20. Iti sidong ti Linteg Mosaiko, apay a ti panaganak pagbalinenna ti maysa a babai a “saan a nadalus”? (Lev. 12:2, 5) [Linawas a panagbasa iti Biblia; kitaenyo ti w84-E 2/15 p. 29 par. 5.]
Ipaayyo ti sao wenno sasao a kasapulan a mangkompleto iti tunggal maysa kadagiti sumaganad a sasao:
21. Nupay awan ti insigida nga agas ti kinaliday, maibturan dayta ti agsolsolo a naganak babaen ti pigsa nga aggapu ken ․․․․․․․․, a magun-odan babaen ti agtultuloy a ․․․․․․․․. (1 Tim. 5:5) [fy-IL p. 112 par. 21]
22. Ti trahedia iti biag ti maysa ket mabalin a resulta ti ․․․․․․․․ wenno gapu iti ․․․․․․․․. [w97-IL 5/15 p. 22 par. 7]
23. Ti libro nga Exodo ipalgakna ni Jehova kas naindaklan a ․․․․․․․․ ken ․․․․․․․․ ken ․․․․․․․․ kadagiti nadayag a panggepna. [si-IL p. 24 par. 26]
24. Ti ․․․․․․․․ a tigtignaytayo, saan ket a ti ․․․․․․․․ nga aramid, ti kangrunaan a mangipalgak iti pudpudno a kinasiasinotayo. [w97-IL 10/15 p. 29 par. 4]
25. No dagiti piesta ti apit ket mainaig iti ․․․․․․․․ wenno ․․․․․․․․, maliklikan dagiti pudno a Kristiano a pagladingiten ni Jehova babaen ti ․․․․․․․․ iti kasta a natulawan a panagdayaw. [w97-IL 9/15 p. 9 par. 6]
Pilienyo ti umiso a sungbat iti tunggal maysa kadagiti sumaganad a sasao:
26. Ti “uppat a gasut a tawen” a pannakaparigat ti bin-i ni Abraham nangrugi idi rinabrabak ni Ismael ni Isaac idi (1943; 1919; 1913) K.K.P. ket nagngudo idi naispalda manipud Egipto idi (1543; 1519; 1513) K.K.P. (Gen. 15:13) [si-IL p. 17 par. 31]
27. Ti panagballigi wenno pannakapaay ti maysa a pamilia a mangtaming iti nakaro a sakit agpannuray unay iti (pinansial a seguridad; kababalin; polisa iti seguro) dagiti kamengna. (Prov. 17:22) [fy-IL p. 120 par. 10]
28. Ti tao a mangikuna iti pusona “awan ti Jehova” ket maawagan iti “maag” gapu ta dayta ket (adda pakapilawanna iti moral; awan adalna; nakapuy nga agpanunot). (Sal. 14:1) [w97-IL 10/1 p. 6 par. 8]
29. Idi nagrebelde da Adan ken Eva, ti kapatgan a napukawda ket ti (kinaperpektoda; relasionda iti Dios; minuyongan a taengda), a dayta idi ti tulbek iti kinaragsakda. [w97-IL 10/15 p. 6 par. 2]
30. Ti libro ti (Genesis; Exodo; Levitico) ad-adda a masansan ti panangdakamatna iti pagannurotan ti kinasanto ngem iti aniaman a libro ti Biblia. [si-IL p. 26 par. 9]
Itupagyo dagiti sumaganad a kasuratan kadagiti sasao a nailista iti baba:
Ex. 5:2; Ex. 21:29; Prov. 1:8; Gal. 5:20; Sant. 1:14, 15
31. Asinoman nga agkunkuna a Kristiano a kanayon ken awanan panagbabawi a tumulok iti naranggas nga irarasuk ti unget, a nalabit pisikal a ranggasanna pay ti pamiliana ket mabalin a mailaksid. [fy-IL p. 150 par. 23]
32. Ti panagtigtignaytayo mangrugi iti panagpampanunottayo. [fy-IL p. 148 par. 18]
33. Ibabain ni Jehova a Dios dagiti amin a sikukuspag a di mangbigbig ti Kinadiosna. [Linawas a panagbasa iti Biblia; kitaenyo ti w92-IL 12/15 p. 13 par. 18.]
34. Nupay ti ama ti tudingan ti Biblia a kangrunaan a mangisuro kadagiti annak, adda met napateg nga akem ti ina. [fy-IL p. 133 par. 12]
35. Ti Linteg ket saanna nga impalubos ti kinaliway kas panggapuan iti panangipakita iti asi no adda napapatay. [Linawas a panagbasa iti Biblia: kitaenyo ti w95-IL 11/15 p. 11 par. 5.]