Repaso iti Teokratiko nga Eskuelaan ti Panagministro

Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Setiembre 6 agingga iti Disiembre 20, 1999. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.

[Tandaanam: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]

Sungbatanyo ti tunggal maysa kadagiti sumaganad a sasao iti Pudno wenno Ulbod:

1. Impalubos ni Jehova ti agwaywayas a turay ti tao tapno ipaneknekna a kanayon nga umiso ken nalinteg ti panangiturayna. (Deut. 32:4; Job 34:10-12; Jer. 10:23) [w97-IL 2/15 p. 5 par. 3]

2. Ipasimudaag ti Biblia a kondenaren ti Dios amin a panagreklamo. [w97-IL 12/1 p. 30 par. 3-4]

3. Masalimetmetan dagiti nagannak ti umno a panangmatmat iti relasionda kadagiti naasawaanen nga annakda babaen ti panangbigbig kadagiti nadiosan a prinsipio ti kinaulo ken umiso nga urnos. (Gen. 2:24; 1 Cor. 11:3; 14:33, 40) [fy-IL p. 164 par. 6]

4. Ipakita ti Marcos 6:31-34 a simnek ti asi ni Jesus kadagiti tattao gapu laeng iti sakit ken kinapanglawda. [w97-IL 12/15 p. 29 par. 1]

5. No adda Kristiano iti klase sabsabali a karnero a di makatabuno iti Memorial ti ipapatay ni Jesus, masapul a rambakanna dayta kalpasan ti makabulan maitunos iti prinsipio a nadakamat iti Numeros 9:10, 11. (Juan 10:16) [Linawas a panagbasa iti Biblia; kitaenyo ti w93-IL 2/1 p. 31 par. 9.]

6. Nupay saan nga agawen dagiti Kristiano nga apong ti pagrebbengan ti ama ken ina a mangitukit kadagiti kinapudno ti Biblia kadagiti annakda, adda napateg a maaramidan dagiti apong a lallakay ken babbaket iti naespirituan a panagrang-ay ti maysa nga ubing. (Deut. 6:7; 2 Tim. 1:5; 3:14, 15) [fy-IL p. 168 par. 15]

7. Ipakita ti Proverbio 6:30 nga addada partikular a sirkumstansia a maipalubos wenno nainkalintegan ti panagtakaw. [g97-IL 11⁄8 p. 19 par. 2]

8. Idi 1530, ni William Tyndale ti immuna a nangusar iti nagan ti Dios a Jehova iti Ingles a patarus ti Hebreo a Kasuratan. [w97-IL 9/15 p. 28 par. 3]

9. Itatta, ti antitipiko a siudad a pagkamangan ket isu ti probision ti Dios a pakasalaknibantayo iti ipapatay gapu iti panangsalungasing ti bilinna maipapan iti kinasagrado ti dara. (Num. 35:11) [Linawas a panagbasa iti Biblia; kitaenyo ti w95-IL 11/15 p. 17 par. 8.]

10. Ti nagan a Deuteronomio, a kayatna a sawen “Maikadua a Linteg,” ket maitutop agsipud ta daytoy a libro ti Biblia ket pannakaulit laeng ti Linteg. [Linawas a panagbasa iti Biblia; kitaenyo ti si-IL p. 36 par. 4.]

Sungbatanyo dagiti sumaganad a saludsod:

11. Aniat’ iladladawan ti dua a nalebaduraan a tinapay nga indaton ti nangato a padi kabayatan ti Piesta ti Pentecostes? (Lev. 23:15-17) [Linawas a panagbasa iti Biblia; kitaenyo ti w98-IL 3/1 p. 13 par. 21.]

12. Kaano a nangrugi ti Nakristianuan a Jubileo, ket ania a kita ti wayawaya ti inyegna iti daydi a tiempo? (Lev. 25:10) [Linawas a panagbasa iti Biblia; kitaenyo ti w95-IL 5/15 p. 24 par. 14.]

13. Sigun iti rekord iti libro a Numeros, ti pannakaispal ket agpannuray iti ania a tallo a banag? [si-IL p. 30 par. 1]

14. Kasano a ni Moises ket nasayaat nga ulidan iti panangipakitana iti kinaawan imon? (Num. 11:29) [Linawas a panagbasa iti Biblia; kitaenyo ti w95-IL 9/15 p. 18 par. 11.]

15. Kasano a ti kaso da Core, Datan, ken Abiram ipakitana a ti pannakaimatang ket saan a kanayon a mangitunda iti panamati? [w97-IL 3/15 p. 4 par. 2]

16. Ania dagiti dua nga aspeto ti panangpadayaw kadagiti nataenganen a nagannak ti naitampok iti Mateo 15:3-6 ken 1 Timoteo 5:4? [fy-IL p. 173-5 par. 2-5]

17. Ania a napateg nga adal ti naitampok iti Numeros 26:64, 65? [Linawas a panagbasa iti Biblia; kitaenyo ti g95-IL 8/8 p. 10-11 par. 5-8.]

18. Kasano a ti ulidan ni Finees tulongannatayo a mangapresiar iti kaipapanan ti dedikasion ken Jehova? (Num. 25:11) [Linawas a panagbasa iti Biblia; kitaenyo ti w95-IL 3/1 p. 16 par. 12-13.]

19. Kasano a ti maysa a tao iti antitipiko a siudad a pagkamangan ‘malabsanna ti nagbeddengan’ ti siudad? (Num. 35:26) [Linawas a panagbasa iti Biblia; kitaenyo ti w95-IL 11/15 p. 20 par. 20.]

20. Kasano a ti Codex Sinaiticus ket bendision iti pannakaipatarus ti Biblia? [w97-IL 10/15 p. 11 par. 2]

Ipaayyo ti sao wenno sasao a kasapulan a mangkompleto iti tunggal maysa kadagiti sumaganad a sasao:

21. Pinalubosan ni Jehova nga agtultuloy ti kinadakes tapno maipasdek a naan-anay ti nagpateg a kinapudno nga is-isu laeng ti ․․․․․․․․ ken nasken ti ․․․․․․․․ kadagiti lintegna para iti agtultuloy a talna ken kinaragsak dagiti amin a parsuana. (Sal. 1:1-3; Prov. 3:5, 6; Ecl. 8:9) [w97-IL 2/15 p. 5 par. 4]

22. Naisangsangayan ti libro a Levitico iti panangitampokna iti ․․․․․․․․ ti dara, nga ipakitana a ti kakaisuna a maipalubos nga usar ti dara isut’ ․․․․․․․․. [si-IL p. 29 par. 33]

23. Maitunos iti Salmo 144:15b, ti pudno a kinaragsak ket maysa a kasasaad ti puso, a naibatay iti napaypayso a ․․․․․․․․ ken nasayaat a ․․․․․․․․ ken Jehova. [w97-IL 3/15 p. 23 par. 7]

24. Ti Biblia a napataud manipud iti pannakaipatarus ti Hebreo a Biblia iti kadawyan a Griego, a naileppas idi agarup 150 K.K.P., ket naawagan iti ․․․․․․․․; ti patarus ni Jerome iti Biblia iti Latin ket naawagan iti ․․․․․․․․, a naileppas idi agarup 400 K.P. [w97-IL 8/15 p. 9 par. 1; p. 10 par. 4]

25. Babaen ti panangusar ni Judas kadagiti salaysay maipapan kada Balaam ken Kore a nailanad iti libro a Numeros, binallaaganna dagiti Kristiano nga agaluadda kadagiti palab-og ti ․․․․․․․․ ken ․․․․․․․․. [si-IL p. 35 par. 35]

Pilienyo ti umiso a sungbat iti tunggal maysa kadagiti sumaganad a sasao:

26. Maminsan iti makatawen, iti (Piesta ti Abong-abong; Aldaw ti Panangabbong; Paskua), ti intero a nasion ti Israel, agraman dagiti ganggannaet nga agdaydayaw ken Jehova masapul nga (isardengda amin a trabahoda; agbayadda iti apagkapullo; idatonda dagiti umuna a bungbunga) ken agayunarda. (Lev. 16:29-31) [Linawas a panagbasa iti Biblia; kitaenyo ti w96-IL 7/1 p. 10 par. 12.]

27. Maysa kadagiti kalat ti New World Bible Translation Committee ket mangpataud iti patarus a (literal aginggat’ mabalin; mangted iti kayulogan dagiti orihinal a lenguahe; maitunos iti pannakaawat iti partikular a doktrina) tapno ad-adda a makita dagiti agbasa ti anag dagiti orihinal a pagsasao ken dagiti nainaig a kapanunotan. [w97-IL 10/15 p. 11 par. 5]

28. Sigun iti Hebreo 13:19, ti naregget a kararag dagiti kapammatian ket adda epektona iti (no ania ti ipalubos ti Dios; no kaano nga agtignay ti Dios; no kasano ti panangimaniobra ti Dios kadagiti bambanag). [w97-IL 4/15 p. 6 par. 1]

29. Ti ‘lubid nga asul iti rabaw ti paraypay ti tunggal gayadan ti kawes’ dagiti Israelita ket makalikaguman idi kas (sagrado a dekorasion; tanda ti kinaemma; makita a pammalagip a naidumada iti lubong kas ili ni Jehova). (Num. 15:38, 39) [Linawas a panagbasa iti Biblia; kitaenyo ti w84-IL 4/15 p. 20 par. 16.]

30. Ti tiempo a sinaklaw ti libro a Deuteronomio ket (dua a bulan; makatawen, dua a tawen), ken naileppas ti pannakaisuratna idi apagtapog ti (1513; 1473; 1467) K.K.P. [si-IL p. 36 par. 6]

Itupagyo dagiti sumaganad a kasuratan kadagiti sasao a nailista iti baba:

Num. 16:41, 49; Mat. 19:9; Luc. 2:36-38; Col. 2:8; 3:14

31. Ti asetisismo saan a mangituggod iti espesial a kinasanto wenno napaypayso a pannakalawlawag. [g97-IL 10/8 p. 21 par. 3]

32. Ti pannakiabig isu ti kakaisuna a Nainkasuratan a pakaibatayan ti diborsio a mabalin manen ti mangasawa wenno makiasawa. [fy-IL p. 158-9 par. 15]

33. Ti panagbalin nga aktibo kadagiti teokratiko nga aktibidad, uray nataengan unayen ti maysa a tao, ket makatulong kenkuana a mangibtur iti pannakapukaw ti asawana. [fy-IL p. 170-1 par. 21]

34. Makadidigra ti ibunga ti panangbabalaw iti wagas a panangipakat ni Jehova iti hustisia babaen kadagiti nadutokan nga adipenna. [Linawas a panagbasa iti Biblia; kitaenyo ti w96-IL 6/15 p. 21 par. 13.]

35. Ti di agimbubukodan nga ayat pagsinggalutenna ti agassawa ken tignayenna ida a mangaramid iti kasayaatan nga agpaay iti tunggal maysa kadakuada ken kadagiti annakda. [fy-IL p. 187 par. 11]