Dagiti Pakaammo
Literatura a tukon iti Enero: Nagkaykaysa iti Panagdayaw iti Maymaysa a Pudno a Dios wenno aniaman a dadduma pay a daan a 192 ti panidna a libro. No awan, mabalin nga itukon ti libro a Pannakaammo. Pebrero: Ti libro a Kinaragsak iti Pamilia. Marso: Pannakaammo a Mangiturong iti Biag nga Agnanayon. Abril ken Mayo: Indibidual a kopia ti Pagwanawanan ken Agriingkayo! Mangitugotkayo iti broshur a Kalikaguman para kadagiti interesado, ken ikagumaanyo ti mangirugi kadagiti panagadal iti Biblia iti pagtaengan. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).
◼ Mangaramid koman dagiti kongregasion kadagiti urnos iti pannakarambak ti Memorial iti daytoy a tawen inton Mierkoles, Abril 19, 2000, kalpasan ti ilelennek ti init. Nupay mabalin a mangrugi a nasapsapa ti palawag, sa la maipasa dagiti emblema ti Memorial no nakalneken ti init. Nupay kayat ti kada kongregasion a rambakan ti Memorial a bukbukodda, mabalin a saan a kanayon a posible daytoy. No adu a kongregasion ti agus-usar iti maysa a Kingdom Hall, nalabit makaala ti maysa wenno ad-adu pay a kongregasion iti sabali a pasilidad nga usarenda iti dayta a rabii.
◼ Ti espesial a palawag publiko para iti tiempo ti Memorial iti 2000 ket maipaayto iti Domingo, Abril 16. Napauluan iti “No Apay a Kasapulan ti Sangatauan ti Subbot.” Addanto balabala a maipaay kadagiti agpalawag iti maitutop a tiempo. Kadagiti kongregasion a maranaan ti bisita ti manangaywan ti sirkito, asamblea sirkito, wenno aldaw ti espesial nga asamblea iti dayta a ngudo ti lawas, maipaayto ti espesial a palawag iti sumaruno a lawas. Awan koma ti kongregasion a mangangay iti espesial a palawag sakbay ti Abril 16, 2000.
◼ Yantangay ti Abril ken Mayo ket naisangsangayan a bulbulan iti panagmagasin ken adunto ti ag-auxiliary pioneer iti dayta a tiempo, silalagip koman ti manangaywan iti serbisio ken ti kabsat a mangay-aywan iti magasin nga agpedido kadagiti kanayonan a magasin nga usaren ti kongregasion. Pangngaasiyo ta agpedidokayon tapno makasangpet dagita iti sanga nga opisina a saan a naladladaw ngem Pebrero 1, 2000. Daytoy ti mangipasigurado a maawatyonto dagiti kanayonan a magasin a maigiddan kadagiti regular a pedidoyo.
◼ Baro a Publikasion a Magun-odan:
Sing Praises to Jehovah—Bicol, Hiligaynon, Pangasinan
Tract T-24, Jesus Christ—Who Is He?—Bicol, Cebuano, Hiligaynon, Iloko, Pangasinan, Samar-Leyte, Tagalog
The Guidance of God—Our Way to Paradise—Ingles (broshur a nangnangruna nga agpaay kadagiti Muslim, kas nailawlawag iti panid 8 ti Nobiembre 1999 a Ti Ministeriotayo iti Pagarian)