Dagiti Pakaammo
◼ Literatura a tukon iti Nobiembre: Agtultuloy ti panagiwaras iti Kingdom News No. 36. Dagiti kongregasion a nakaileppasen a nagiwaras iti Kingdom News No. 36 kadagiti bumalay iti kada pagtaengan iti teritoriada mabalin nga itukonda ti libro a Pannakaammo wenno ti broshur a Kalikaguman. No addaanen dagiti tattao kadagitoy a publikasion, mabalin nga usaren ti libro nga Agbiag nga Agnanayon wenno ti libro a Creation. Disiembre: Maitukon ti broshur a Libro Para iti Amin a Tao a kadua ti New World Translation of the Holy Scriptures. Enero: Mabalin nga itukon ti aniaman kadagiti daan a 192-panid a libro. No naibusanen dagiti kongregasion iti aniaman kadagitoy a libro, mabalin nga itukon ti libro a Kinaragsak iti Pamilia. Pebrero: Life—How Did It Get Here? By Evolution or by Creation? No saan a kadawyan a maar-aramat ti Ingles, mabalin nga itukon ti libro a Kinaragsak iti Pamilia kas kasukatna.
◼ Nupay mapagsasaritaan iti Gimong ti Serbisio ita a bulan ti suplemento iti daytoy a Ti Ministeriotayo iti Pagarian, iti maudi a Gimong ti Serbisio sakbay ti kombension a tabunuanyo, nasayaat no mausar ti 15 a minuto iti panangrepaso kadagiti nabatad a balakad iti daytoy a suplemento. Iti dayta a gundaway, paregtaenyo ti amin a mangsukimat iti nayimprenta a programa iti sumagmamano a minuto sakbay a mangrugi ti sesion iti tunggal agsapa ken malem ken seggaanda no ania ti maipalawag. Iti kasta, nalaklaka ti agatension iti programa ken mangisurat kadagiti ababa ngem nabagas a punto.
◼ Para kadagiti tuleng, plano ti Sosiedad ti mangangay iti sign language a programa ti “Dagiti Managtungpal iti Sao ti Dios” a Kombension Distrito idiay Quezon City inton Disiembre 8-10, 2000. Maigiddanto daytoy iti Ingles a kombension iti dayta a petsa. Siasinoman a tuleng a makaawat iti sign language tabunuanda koma daytoy a kombension, yantangay awan ti programa para kadagiti tuleng iti dadduma a kombension.
◼ Ti mamangulo a manangaywan wenno ti dinutokanna masapul a sukimatenna ti kuenta ti kongregasion inton Disiembre 1 wenno iti kabiitan a panawen kalpasan dayta. Inton naaramiden, mayanunsio daytoy iti kongregasion.
◼ No nalpasen ti panagiwaras iti Kingdom News, dagiti kongregasion nga addaan pay laeng iti abasto ti Kingdom News No. 36 mabalinda a paregtaen dagiti agibumbunannag a mangitukon kadagitoy a kas iti panangitukonda kadagiti tract—iti man binalaybalay wenno sadinoman. No mabalbalin, mangibati dagiti agibumbunannag iti maysa a kopia iti tunggal pagtaengan nga awan ti bumalay, a siguraduenda a di makita dayta dagiti aglabas. Maiwaras koma dagiti amin a natda a kopia daytoy napateg a mensahe.
◼ Dagiti Baro a Compact Disc a Magun-odan:
Watchtower Library—1999 Edition iti CD-ROM
Kingdom Melodies No. 9 iti compact disc