Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Setiembre 4 ingganat’ Disiembre 18, 2000. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanam: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Umiso wenno Di Umiso:
1. Linapdan ni David ni Abisai a mangpapatay koma ken ni Semei agsipud ta nakonsiensia ni David kadagiti pammabasol ni Semei kenkuana. (2 Sam. 16:5-13) [Linawas a panagbasa iti Biblia; kitaenyo ti w-IL99 5/1 p. 32 par. 3.]
2. Ti konsiensia a nadalus, umiso ti pannakasanayna ket saan laeng a mangiturong iti nabara, nasinged a relasion iti Dios no di ket nasken iti pannakaisalakantayo. (Heb. 10:22; 1 Ped. 1:15, 16) [w-IL98 9/1 p. 4 par. 4]
3. Bassit laeng ti historikal a kinapateg ti salaysay ti 1 Ar-ari para iti maysa a Kristiano agsipud ta 2 laeng kadagiti 14 nga ar-ari a nagturay idiay Israel ken Juda kalpasan ti ipapatay ni Solomon ti nagaramid ti naimbag iti imatang ni Jehova. [si-IL p. 64 par. 1]
4. Ti Sangaribu a Tawen a Panagturay ni Jesus ket kaasping ti natalna ken narang-ay a panagturay ni Solomon iti 40 a tawen. (1 Ar. 4:24, 25, 29) [Linawas a panagbasa iti Biblia; kitaenyo ti w-IL90 6/1 p. 6 par. 5.]
5. Ti nadayaw a pannakaitabon ni Abias ket nalawag a pammaneknek nga isut’ matalek a managdaydayaw ni Jehova, ti kakaisuna iti balay ni Jeroboam. (1 Ar. 14:10, 13) [Linawas a panagbasa iti Biblia; kitaenyo ti w-IL95 4/1 p. 12 par. 11.]
6. Ti panagpabautisar kas Kristiano ipamatmatna a nagbalinen ti maysa a nataengan nga adipen ti Dios. [w-IL98 10/1 p. 28 par. 2]
7. Impaayan ni Jehova ni Elias iti naisangsangayan a tured tapno saan a makarikna iti buteng. (1 Ar. 18:17, 18, 21, 40, 46) [Linawas a panagbasa iti Biblia; kitaenyo ti w-IL98 1/1 p. 31 par. 2.]
8. Ti templo ni Solomon ket naranga a pasdek saan laeng a gapu iti kinadayag ken namaterialan a kinadaegna no di ket gapu iti panangiladawanna iti nadaydayag nga amang a naespirituan a templo ni Jehova. [si-IL p. 69 par. 26]
9. Ti pannakabulsek dagiti buyot ti Siria iti panangibilin ni Eliseo ket nabatad a pannakabulsek ti panunot tangay nakitada ngem dida nalasin no asino ni Eliseo. (2 Ar. 6:18, 19) [Linawas a panagbasa iti Biblia; kitaenyo ti si-IL p. 70-1 par. 10.]
10. Ti panangisaad iti “Pammaneknek,” a nadakamat iti 2 Ar-ari 11:12, ket maysa a simboliko a tignay a mangyilustrar a din mabalusingsing ken rumbeng a matungpal ti panangipaulog ti ari iti Linteg ti Dios. [Linawas a panagbasa iti Biblia; kitaenyo ti w-IL91 2/1 p. 31 par. 6.]
Sungbatanyo dagiti sumaganad a saludsod:
11. Maitunos iti 1 Juan 2:15-17, ania koma ti idagadag dagiti nadiosan a nagannak a liklikan ti annakda tapno maiwanwanda ida nga agpili iti maitutop a panggedan? [w-IL98 7/15 p. 5 par. 2]
12. Ania ti tuktukoyen ti 2 Samuel 18:8 (NW) a kunana: “Ti bakir ad-adu ti inibusna nga umili ngem ti inibus kadakuada ti kampilan”? [Linawas a panagbasa iti Biblia; kitaenyo ti w-IL87 3/15 p. 31 par. 2.]
13. Siasino ita ti kaasping dagiti kabagian ni Goliat, ti Refaim, ket ania ti ikagkagumaanda nga aramiden? (2 Sam. 21:15-22) [Linawas a panagbasa iti Biblia; kitaenyo ti w-IL89 1/1 p. 20 par. 8.]
14. Ania ti makagunggona a prinsipio ti Biblia a maadaltayo iti 2 Samuel 6:6, 7? [si-IL p. 63 par. 30]
15. Ania ti napateg a prinsipio a maadaltayo idi napapatay ti maysa a lalaki gapu ta sinalungasingna ti Sabbath? (Num. 15:35) [w-IL98 9/1 p. 20 par. 2]
16. Ania ti aramidentayo tapno matuladtayo ti reyna ti Seba a nagbiahe iti adayo tapno dumngeg “iti sirib ni Solomon”? (1 Ar. 10:1-9) [Linawas a panagbasa iti Biblia; kitaenyo ti w-IL99 7/1 p. 31 par. 1-2.]
17. Sigun iti 1 Ar-ari 17:3, 4, 7-9, 17-24, iti ania a tallo a pamay-an nga impakita ni Elias ti pammatina ken Jehova? [Linawas a panagbasa iti Biblia; kitaenyo ti w-IL92 4/1 p. 19 par. 5.]
18. Apay a ti panagkedked ni Nabot a mangilako iti kaubasanna ken Ahab ket saan a basta kinatangken ti ulona? (1 Ar. 21:2, 3) [Linawas a panagbasa iti Biblia; kitaenyo ti w-IL97 8/1 p. 13 par. 18.]
19. Kasano a nagserbi dagiti sasao iti 2 Ar-ari 6:16 a pammaregta kadagiti adipen ni Jehova iti kaaldawantayo? [Linawas a panagbasa iti Biblia; kitaenyo ti w-IL98 6/15 p. 18 par. 5.]
20. Kadagiti ania a pamay-an nga agaluad dagiti pudno a Kristiano iti kaaldawantayo iti simonia? [w-IL98 11/15 p. 28 par. 5]
Ipaayyo ti sao wenno sasao a kasapulan a mangkompleto iti tunggal maysa kadagiti sumaganad a sasao:
21. Ti pudno a Kristiano masapul a saan nga ․․․․․․․․ ken makipaset kadagiti kaugalian a di makaay-ayo iti ․․․․․․․․ . (Prov. 29:25; Mat. 10:28) [w-IL98 7/15 p. 20 par. 5]
22. Idi nangsaksi ni Pablo ken Ari Agrippa, nangipakita iti ․․․․․․․․ , nga impaganetgetna dagiti punto a ․․․․․․․․ , ken Agrippa. (Ara. 26:2, 3, 26, 27) [w-IL98 9/1 p. 31 par. 3]
23. Agsipud ta ․․․․․․․․ ti Dios, nalabit marikna ti dadduma nga isu ket saan a persona, ngem ti masansan ken naganetget a ․․․․․․․․ ti makatulong iti maysa a tao a ‘mangkita iti daydiay Maysa a di makita.’ (Heb. 11:27) [w-IL98 9/15 p. 21 par. 3-4]
24. Kas makita iti kasasaad ti heneral ti Siria a ni ․․․․․․․․ , no dadduma, adu ti magunggona iti sangkabassit a ․․․․․․․․ . [Linawas a panagbasa iti Biblia; kitaenyo ti w-IL99 2/1 p. 3 par. 6–p. 4 par. 1.]
25. Kas iti pannakidasig ni Jehonadab ken Ari Jehu, ti ․․․․․․․․ ita ti naimpusuan a mangbigbig ken makikooperar iti Dakdakkel a Jehu, ni ․․․․․․․․ , nga irepresentar ditoy daga dagiti ․․․․․․․․ . (2 Ar. 10:15, 16) [Linawas a panagbasa iti Biblia; kitaenyo ti w-IL98 1/1 p. 13 par. 5-6.]
Pilienyo ti umiso a sungbat ti tunggal maysa kadagiti sumaganad a sasao:
26. Ni (Satanas; Jehova; Joab) ti nangisungsong ken David nga agbasol idi ‘binilangna ti Israel.’ (2 Sam. 24:1) [Linawas a panagbasa iti Biblia; kitaenyo ti w-IL92 7/15 p. 5 par. 2.]
27. Maitunos iti 1 Ar-ari 8:1 ken Eclesiastes 1:1, inummong ni Solomon dagiti umili tapno (agaramidda iti templo; kamatenda dagiti kabusor ti Israel; agdaydayawda ken Jehova). [Linawas a panagbasa iti Biblia; kitaenyo ti si-IL p. 112 par. 3.]
28. Ti 20-tawen a panangaramid ni Solomon iti templo ken iti balayna idiay Jerusalem ket kaasping ti panawen ti panagbalbaliw dagiti doktrina ken urnos a nangrugi idi (1919; 1923; 1931) ken nagpatingga idi (1938; 1942; 1950). (1 Ar. 9:10) [Linawas a panagbasa iti Biblia; kitaenyo ti w-IL92 3/1 p. 20 kahon.]
29. Ti termino a “langlangit” a nadakamat idiay 2 Ar-ari 2:11 tukoyenna ti (naespirituan a taeng ti Dios; pisikal nga uniberso; atmospera ti daga, a pagtaytayaban dagiti billit ken pagrikrikusan ti angin). [Linawas a panagbasa iti Biblia; kitaenyo ti w-IL97 9/15 p. 15 kahon.]
30. Ni (Herodes a Dakkel; Cesar Augusto; Tiberio Cesar) ti nangibilin iti sensus a nakaigapuan ti pannakaipasngay ni Jesus idiay Betlehem imbes nga idiay Nazaret. [w-IL98 12/15 p. 7 kahon]
Itupagyo dagiti sumaganad a kasuratan kadagiti sasao a nailista iti baba:
Sal. 15:4; 2 Sam. 12:28; 2 Sam. 15:18-22; 2 Ar. 3:11; Col. 3:13
31. Iti teokratiko nga urnos ni Jehova, masapul a maraem ti kinaulo. [si-IL p. 63 par. 30]
32. Mataginayon koma ti kinasungdo iti organisasion ni Jehova ken kadagiti pannakabagina. [si-IL p. 63 par. 30]
33. Ti panangapresiar iti asi ni Jehova ti mangtignay iti maysa nga agteppel ken mangpalabas kadagiti pagkurangan. [w-IL98 11/1 p. 6 par. 3]
34. Maysa a pribilehio ti panangpadagus ken panagserbi a sipapakumbaba kadagiti matalek nga adipen ni Jehova nga adda iti espesial a serbisio. [Linawas a panagbasa iti Biblia; kitaenyo ti w-IL97 11/1 p. 31 par. 1.]
35. Ti tao a managbuteng iti Dios tungpalenna ti saona a bayadanna dagiti utangna uray no dumteng dagiti di mapakpakadaan a kasasaad a mamagbalin kadagiti bambanag a narigrigat ngem iti ninamnamana. [w-IL98 11/15 p. 27 par. 1]