Dagiti Pakaammo
◼ Literatura a tukon iti Marso: Maitampok ti libro a Pannakaammo ket ikagumaan a makairugi iti panagadal iti Biblia iti pagtaengan. Abril ken Mayo: Indibidual a kopia Ti Pagwanawanan ken Agriingkayo! No aginteres ti sinarungkaran, itukon ti suskripsion. Itukon kadagiti interesado a tattao ti libro a Pannakaammo wenno ti broshur a Kalikaguman, ket ikagumaan a makairugi iti panagadal iti Biblia iti pagtaengan. Hunio: Ti libro a Pannakaammo wenno ti broshur a Kalikaguman ket ikagumaan a makairugi iti panagadal iti Biblia iti pagtaengan.
◼ Mangrugi inton Abril, ipaay dagiti manangaywan ti sirkito ti palawag publiko a napauluan iti “Natauan a Turay—Nausig iti Timbangan” no bisitaenda dagiti kongregasion.
◼ Agplano koma itan dagiti agibumbunannag nga agtarigagay nga ag-auxiliary pioneer inton Abril ken Mayo ket itedda a nasaksakbay ti aplikasionda. Tumulong daytoy kadagiti panglakayen a mangaramid kadagiti nasken nga urnos iti panangasaba ken maisagana ti umdas a magasin ken dadduma pay a literatura a mausar. Maipakaammo koma iti kongregasion ti nagan dagiti amin a naaprobaran nga ag-auxiliary pioneer.
◼ Maangay ti Memorial inton Domingo, Abril 8, 2001. Awan ti maangay a gimong iti dayta nga aldaw malaksid iti taripnong sakbay ti panangasaba. Iyurnos koma dagiti panglakayen ti panagadal iti Pagwanawanan iti sabali nga aldaw dayta a lawas.
◼ Panagbasa iti Biblia iti Lawas ti Memorial: Maparegta ti amin a basaenda ti naisingasing a teksto ti Biblia kas nayeskediul iti 2001 Calendar ken iti Panangsukimat iti Kasuratan iti Inaldaw-aldaw, a mangrugi inton Abril 3 ken agngudo iti aldaw ti Memorial, Abril 8.
◼ Maipatulod koma ti amin a baro ken maituloy a suskripsion Ti Pagwanawanan ken Agriingkayo!, agraman ti personal a suskripsion, babaen ti kongregasion.
◼ Saan a patgan ti Sosiedad ti indibidual a kiddaw dagiti agibumbunannag para iti literatura. Iyurnos ti mamangulo a manangaywan ti maysa a pakaammo kada bulan sakbay a maipatulod iti Sosiedad ti binulan a request para iti literatura ti kongregasion tapno amin nga interesado a maaddaan iti personal a kopia ti literatura mapakaammuanda ti kabsat a mangas-asikaso iti literatura. Pangngaasiyo ta diyo liplipatan no ania dagiti publikasion nga special request.