Dagiti Pakaammo

◼ Literatura a tukon iti Setiembre: Life—How Did It Get Here? By Evolution or by Creation? Oktubre: Dagiti indibidual a kopia Ti Pagwanawanan ken Agriingkayo! Mabalin a maitukon ti suskripsion kadagiti interesado a masarungkaran. Kanayon a mangitugot iti broshur a Kalikaguman tapno makairugi iti panagadal iti Biblia no mabalin. Nobiembre: Maitukon ti libro a Pannakaammo wenno broshur a Kalikaguman. No addaanen ti bumalay kadagitoy, maitukon ti Panangsapul ti Sangatauan iti Dios wenno dadduma a nadadaan a publikasion. Disiembre: Ti Katan-okan a Tao a Nagbiag Pay Laeng, Ti Librok Dagiti Estoria ti Biblia, wenno, no adda, Mabalinyo ti Agbiag nga Agnanayon iti Paraiso a Daga.

◼ Mangrugi inton Oktubre, iparang dagiti manangaywan sirkito ti palawag publiko a napauluan “Ti Aldaw a Panangukom—Tiempo ti Buteng wenno Namnama?” no bumisitada kadagiti kongregasion.

◼ Mapalagipan dagiti panglakayen nga itultuloyda a suroten dagiti instruksion a nailanad iti panid 21-3 ti Abril 15, 1991 a Pagwanawanan, maipapan iti siasinoman a nailaksid wenno simmiasi a tarigagayanna ti maisubli.