Dagiti Pakaammo

◼ Dagiti literatura a tukon iti Enero ken Pebrero: Mabalin nga itukon dagiti daan a libro a 192 ti panidna, kas iti Kinaragsak​—No Kasano a Biroken Dayta, Ti Kinapudno a Mangiturong iti Biag nga Awan Inggana, wenno Pudno a Talna ken Talged​—Kasano a Mabirokanyo Dayta? No awan dagiti daan a libro, mabalin nga itukon kas sandi ti libro a Ti Panangbirok ti Sangatauan iti Dios wenno ti Creation. Marso: Maitukon ti libro a Pannakaammo ket ikagumaan a makairugi iti panagadal iti Biblia iti pagtaengan. Abril ken Mayo: Ti indibidual a kopia Ti Pagwanawanan ken Agriingkayo! No agsarungkar, mabalin nga itukon dagiti agibumbunannag ti regular a panangitulod iti magasin wenno itukonda ti suskripsion kadagiti tattao nga adayo iti kongregasion ti pagnanaedanda. Mangitugotkayo iti broshur a Kalikaguman tapno makairugikayo iti panangyadal kadagiti interesado a tattao.

◼ Mangaramid koman dagiti kongregasion kadagiti urnos mainaig iti pannakarambak ti Memorial iti daytoy a tawen inton Huebes, Marso 28, 2002, kalpasan ti ilelennek ti init. Nupay mabalin a mairugi a nasapsapa ti palawag, sa la maipasa dagiti emblema ti Memorial no limneken ti init. Nupay nasaysayaat koma no kada kongregasion ket rambakanda ti Memorial iti bukodda, mabalin a saan kanayon a posible daytoy. No adu a kongregasion ti agus-usar iti maymaysa a Kingdom Hall, nalabit makabirok ti maysa wenno ad-adu pay a kongregasion iti sabali a pasilidad nga usarenda iti dayta a rabii.

◼ Ti espesial a palawag publiko para iti tiempo ti Memorial iti 2002 ket maipaayto iti Domingo, Abril 14, 2002. Napauluan dayta iti “Agtalinaedkayo a Silalagip ‘iti Nakaam-amak nga Aldaw ni Jehova.’” Iti naikeddeng a tiempo, maitedto ti outline kadagiti agpalawag. Kadagiti kongregasion a mairana ti bisita ti manangaywan ti sirkito, asamblea sirkito, wenno aldaw ti espesial nga asamblea iti dayta a ngudo ti lawas, maipaayto ti espesial a palawag iti sumaruno a lawas. Awan koma ti kongregasion a mangangay iti espesial a palawag sakbay ti Abril 14, 2002.

◼ Yantangay ti Abril ken Mayo ket naisangsangayan a bulbulan iti panagmagasin ken adunto ti ag-auxiliary pioneer iti dayta a tiempo, ti manangaywan iti serbisio ken ti kabsat a mangay-aywan iti magasin agpedidoda koman kadagiti kanayonan a magasin nga usaren ti kongregasion kadagita a bulan. Pangngaasiyo ta siertuenyo a makasangpet ti espesial a pedidoyo iti sanga nga opisina a saan a naladladaw ngem Pebrero 1, 2002. Daytoy ti mangipasigurado a makaawatkayo kadagiti kanayonan a magasin a maigiddan kadagiti regular a pedidoyo.

◼ Baro a Magun-od a Publikasion:

Watch Tower Publication Index, 1986-2000​—Ingles

Tract T-72, The Greatest Name​—Ingles

Tract T-73, Who are Jehovah’s Witnesses?​—Ingles

(Tandaanan: Ti dua a nadakamat a tract ket nairanta para kadagiti Muslim. Addaantayo iti limitado a suplay a mapedido.)