Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Enero 7 ingganat’ Abril 22, 2002. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanam: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Umiso wenno Di Umiso:
1. Iti Eclesiastes 2:2, ipatuldo ni Solomon a rumbeng a liklikan ti panagkatawa ken panagrag-o. [Linawas a panagbasa iti Biblia; kitaenyo ti w-IL87 9/15 p. 24 par. 5.]
2. Imbes a libro ti kinapesimistiko, aduan ti Eclesiastes iti agkakapateg a kinapudno maipapan iti nadibinuan a sirib ket ipakitana a dagiti ubbaw nga aramid isu dagidiay aramid a di mangikankano iti Dios. [si-IL p. 114 par. 15]
3. Iti Isaias 1:7, tuktukoyen ti mammadto ti panaglangalang ti Juda kabayatan ti panagturay ni Acaz. [Linawas a panagbasa iti Biblia; kitaenyo ti ip-1-IL p. 17 par. 16.]
4. Ti nadakamat iti Apocalipsis 7:9 a “sitatakderda iti sanguanan ti trono ken iti sanguanan ti Kordero,” ipasimudaagna ti nailangitan a lugar. [rs-IL p. 212 par. 5]
5. Ti sipaparabur a ‘panangpadayaw ken Jehova’ babaen iti kinabaknangtayo—panawen, saguday, pigsa, ken material a sanikuatayo—ket agresulta kadagiti nabaknang a naespirituan a bendision manipud ken Jehova. (Prov. 3:9, 10) [w-IL00 1/15 p. 25 par. 1]
6. Ti moderno-aldaw a ‘karkarna nga aramid ken di gagangay a trabaho’ a naipadto idiay Isaias 28:21 tuktukoyenna ti pannakadadael dagiti nasion inton Armagedon. [Linawas a panagbasa iti Biblia; kitaenyo ti ip-1-IL p. 294-5 par. 16; p. 301 par. 28.]
7. Kas ipakita ti Mateo 24:38, 39, ti panagpennek iti taraon ken inumen, agraman ti dadduma pay a natauan nga aramid, ti makagapu a nadadael dagiti tattao idi kaaldawan ni Noe babaen iti Delubio. [w-IL00 2/15 p. 6 par. 6]
8. Kanayon a patgan ni Jehova ti kiddaw dagiti napakumbaba nga adipenna a naimpusuan nga agserserbi kenkuana. [w-IL00 3/1 p. 4 par. 3]
9. “Dagiti nasion” a nadakamat iti Isaias 60:3 ket ti tunggal napolitikaan a nasion a naallukoy iti inted-Dios a lawag. [Linawas a panagbasa iti Biblia; kitaenyo ti w-IL00 1/1 p. 12 par. 4.]
10. ‘Sinantipikar’ ni Jehova ni Jeremias sakbay a naipasngay iti anag nga inkeddengna ti agnanayon a gasat ni Jeremias. (Jer. 1:5) [Linawas a panagbasa iti Biblia; kitaenyo ti w-IL88 4/1 p. 10 par. 2.]
Sungbatanyo dagiti sumaganad a saludsod:
11. Iti Eclesiastes 11:1, ania ti kaipapanan ti ‘panangipalladaw iti tinapay’? [Linawas a panagbasa iti Biblia; kitaenyo ti w-IL87 9/15 p. 25 par. 11.]
12. Iti Isaias 6:8, siasino ti tuktukoyen ni Jehova idi sinaona ti “kadakami”? [Linawas a panagbasa iti Biblia; kitaenyo ti ip-1-IL p. 93-4 par. 13.]
13. Kas kaitungpalan ti Isaias 9:2, kasano a nagsilnag ti “dakkel a lawag” idiay Galilea? [Linawas a panagbasa iti Biblia; kitaenyo ti ip-1-IL p. 126 par. 17.]
14. Ania ti mabalin a moderno-aldaw a katupag ti pannakadadael ti Babilonia idi 539 K.K.P. ken ti naan-anay a pannakalangalangna idi agangay? (Isa. 13:19, 20; 14:22, 23) [Linawas a panagbasa iti Biblia; kitaenyo ti ip-1-IL p. 188 par. 30-1.]
15. Kasano a nagtignay “ti matalek ken masirib nga adipen” kas ti “agsiput” a nadeskribir iti Isaias 21:6? (Mat. 24:45) [Linawas a panagbasa iti Biblia; kitaenyo ti ip-1-IL p. 221-2 par. 11.]
16. Ania a nainsiriban a pammagbaga para iti agtutubo a lalaki nga agsapsapul iti agbalin nga asawana ti masarakan iti Proverbio 31:10? [w-IL00 2/1 p. 31 par. 1]
17. Iti Isaias 43:9, ania a karit ti naidiaya kadagiti didiosen dagiti nasion? [Linawas a panagbasa iti Biblia; kitaenyo ti w-IL88 2/1 p. 16 par. 3.]
18. Iti ania a pamay-an a “nagimnas” ti saksaka dagidiay mangibumbunannag iti naimbag a damag ti Pagarian ti Dios? (Isa. 52:7) [Linawas a panagbasa iti Biblia; kitaenyo ti w-IL97 4/15 p. 27 par. 6.]
19. Ania ti nasken nga aramidentayo tapno dinatay maallilaw ti pusotayo? (Jer. 17:9) [w-IL00 3/1 p. 30 par. 4]
20. Ania ti masapul nga aramiden dagidiay ‘magmagna iti dalan ni Jehova’? (Jer. 7:23) [Linawas a panagbasa iti Biblia; kitaenyo ti w-IL99 8/15 p. 29 par. 6.]
Ipaayyo ti sao wenno sasao a kasapulan a mangkompleto iti tunggal maysa kadagiti sumaganad a sasao:
21. “Ti puso ti masirib adda iti makannawanna” iti kababagas a ti ‘makannawan’ masansan a kaipapananna ti ․․․․․․․․; no kasta, ipasimudaag daytoy a ti ․․․․․․․․ ti mangtignay kenkuana nga agaramid iti naimbag ken makaay-ayo. (Ecl. 10:2; Mat. 25:33) [Linawas a panagbasa iti Biblia; kitaenyo ti w-IL87 9/15 p. 25 par. 8.]
22. Karaman kadagiti makagunggona a leksion a maadal iti Kanta ni Solomon ket ti ․․․․․․․․, ․․․․․․․․, ken ․․․․․․․․ kadagiti nadiosan a prinsipio. [si-IL p. 117 par. 16]
23. Ti nangrebbek kadagiti siudad ti Juda, a nadeskribir iti Isaias 33:1, ket ti ․․․․․․․․, nga idi agangay ket naabak met laeng idi 632 K.K.P., a nangibati iti nawadwad a samsam para kadagiti umili ti ․․․․․․․․, a ‘mangurnong iti dayta a kas kadagiti ipes.’ (Isa. 33:4) [Linawas a panagbasa iti Biblia; kitaenyo ti ip-1-IL p. 343 par. 4; p. 345 par. 6.]
24. Ti pannakaidilig ti Isaias 54:1 iti Galacia 4:26, 27 ti mangipalgak a ti “lupes a babai” isimbolona ti “ ․․․․․․․․” ; ket ti “babai nga addaan asawa a makinkukua,” isut’ ․․․․․․․․. [Linawas a panagbasa iti Biblia; kitaenyo ti w-IL95 8/1 p. 11 par. 8.]
25. No maumsi ken didatayo awaten no mangasabatayo, rumbeng a laglagipentayo a saan a ․․․․․․․․ ti busbusorenda, no di ket ni ․․․․․․․․, ti Gubuayan ti mensahetayo. (2 Cor. 4:1, 7) [w-IL00 1/15 p. 21 par. 2]
Pilienyo ti umiso a sungbat ti tunggal maysa kadagiti sumaganad a sasao:
26. Idi nagsurat maipapan iti nasirmatana a nailangitan a dayag ni Jesus, tuktukoyen a mismo ni Pablo ti bagina kas ‘nayanak a kurang ti aldawna,’ a kayatna a sawen nga (isut’ kabarbaro a napulotan iti espiritu; isut’ nasapa a nadutokan kas apostol dagiti nasion; kas man la naikkan a nasaksakbay iti dayaw a mayanak, wenno mapagungar, iti espiritu a biag). (1 Cor. 9:1; 15:8) [w-IL00 1/15 p. 29 par. 6]
27. Ti titulo nga “Agnanayon nga Ama” tuktukoyenna ti pannakabalin ken autoridad ti Mesianiko nga Ari a mangted kadagiti tattao iti (naespirituan a kinakired; imortal a biag idiay langit; namnama a biag nga agnanayon ditoy daga). (Isa. 9:6; Juan 11:25, 26) [Linawas a panagbasa iti Biblia; kitaenyo ti ip-1-IL p. 131 par. 26.]
28. Kas moderno a kaitungpalan ti Isaias 66:7, ti naipasngay nga “anak a lalaki” irepresentarna (ni Jesu-Kristo; ti Mesianiko a Pagarian; ti baro a naespirituan a nasion idi 1919). [Linawas a panagbasa iti Biblia; kitaenyo ti w-IL95 1/1 p. 11 par. 3.]
29. Ti naannad a panangbasa iti Mateo 10:28 tulongannatayo a makaawat a ti umap-apuy a Gehenna (ket lugar a pagtutuokan; mangisimbolo iti agnanayon a pannakadadael; kaipapananna ti pannakaisina manipud iti Dios). [rs-IL p. 164 par. 3]
30. Iti moderno-aldaw a kaitungpalanna, “ti nasion a dagiti umilina saan a nagtulnog iti timek ni Jehova,” a nadakamat iti Jeremias 7:28, tuktukoyenna ti (Babilonia a Dakkel; Kakristianuan; ti maikapito a pannakabalin ti lubong). [Linawas a panagbasa iti Biblia; kitaenyo ti w-IL88 4/1 p. 18 par. 10.]
Itupagyo dagiti sumaganad a kasuratan kadagiti sasao a nailista iti baba:
Prov. 24:16; Ecl. 3:11; Isa. 40:8; Roma 10:15; 1 Ped. 4:6
31. Inton naikeddeng a tiempona, maipalgakto ti umiso a lugar ti tunggal aramid ti Dios a maitunos iti panggepna. [Linawas a panagbasa iti Biblia; kitaenyo ti w-IL87 9/15 p. 24 par. 8.]
32. Ti panangasaba iti naimbag a damag kadagiti natay iti naespirituan ket mangted kadakuada iti gundaway nga agbabawi. [rs-IL p. 208-9 par. 5]
33. Nupay di maliklikan dagiti lapped iti biag, ti nadiosan a tao dina isardeng ti agaramid iti umiso. [w-IL00 2/1 p. 5 par. 1]
34. Saan a mabalin a mawaswas wenno malapdan ti pannakatungpal ti sao ti Dios, wenno ti naisawang a panggepna. [Linawas a panagbasa iti Biblia; kitaenyo ti ip-1-IL p. 401 par. 10.]
35. Dagiti apostol ni Jesus inusarda a nalaing ti padto ni Isaias, ket impakatda dayta iti ministerioda. [si-IL p. 123 par. 37]