Dagiti Pakaammo

◼ Literatura a tukon iti Setiembre: Life—How Did It Get Here? By Evolution or by Creation? Oktubre: Dagiti kopia Ti Pagwanawanan ken Agriingkayo! No agsarungkar, mabalin nga itukon dagiti agibumbunannag ti regular a panangitulod kadagiti magasin, nga ikagumaanda ti mangirugi iti panagadal iti Biblia. Nobiembre: Maitukon ti libro a Pannakaammo wenno ti broshur a Kalikaguman. No addaanen kadagitoy dagiti bumalay, mabalin nga usaren ti sabali a daan a publikasion. Disiembre: Mabalin nga itukon ti aniaman kadagiti sumaganad a libro: Ti Katan-okan a Tao a Nagbiag Pay Laeng, Ti Biblia​—Saot’ Dios Wenno iti Tao?, Ti Librok Dagiti Estoria ti Biblia, wenno ti Mabalinyo ti Agbiag nga Agnanayon iti Paraiso a Daga.

◼ Mangrugi inton Oktubre, ipalawag dagiti manangaywan iti sirkito ti palawag publiko a napauluan “Panangbirok iti Kinatalged iti Napeggad a Lubong” no bumisitada kadagiti kongregasion.

◼ Mapalagipan dagiti panglakayen a surotenda dagiti instruksion iti panid 21-3 ti Abril 15, 1991, a Pagwanawanan, maipapan iti asinoman a nailaksid wenno simmina a nalabit agtarigagay a maisubli.

◼ Baro a Publikasion a Magun-odan:

Pannakaammo a Mangiturong iti Biag nga Agnanayon​—Dadakkel Letrana—Cebuano, Iloko, Tagalog (Palagip: Dagiti dadakkel letrana nga edision ket naglaon laeng iti nayimprenta a material ken awanan kadagiti ilustrasion, a kas iti dadakkel letrana nga edision ti Pagwanawanan.)

◼ Baro a Compact Disc a Magun-odan:

Respect Jehovah’s Authority​—Ingles (Isu daytoy ti drama iti kombension distrito idi napan a tawen.)

◼ Baro a Videocassette a Magun-odan:

Warning Examples for Our Day—On Videocassette—Ingles (Palagip: Isu daytoy ti video a presentasion ti drama iti kombension iti 2000-2001 maipapan kadagiti pasamak iti tanap ti Moab.)