Dagiti Pakaammo
◼ Literatura a tukon iti Oktubre: Indibidual a kopia ti Pagwanawanan ken Agriingkayo! No agsarungkar, mabalin nga itukon dagiti agibumbunannag ti regular a panangitulod iti magasin, buyogen ti kalat a mangirugi iti panagadal iti Biblia. Nobiembre: Maitukon ti libro a Pannakaammo wenno ti broshur a Kalikaguman. No addaanen kadagitoy dagiti bumalay, mabalin nga usaren ti sabali a daan a publikasion. Disiembre: Mabalin nga itukon ti aniaman kadagiti sumaganad a libro: Ti Katan-okan a Tao a Nagbiag Pay Laeng, Ti Biblia—Saot’ Dios Wenno iti Tao?, Ti Librok Dagiti Estoria ti Biblia, wenno Mabalinyo ti Agbiag nga Agnanayon iti Paraiso a Daga. Enero: Maitukon ti aniaman kadagiti daan a 192-panidna a libro. Kadagidiay awanan kadagiti daan a libro, mabalin nga itukonda Ti Panangbirok ti Sangatauan iti Dios.
◼ Ti suplemento daytoy a ruar Ti Ministeriotayo iti Pagarian isu ti “Eskediul iti Teokratiko nga Eskuelaan ti Panagministro para iti 2003” ken nasken a maidulin tapno pagreperensiaan iti makatawen. Adu a paset dagiti estudiante ti naibasar iti libro a Panakirinnason. Yantangay saan a magun-od daytoy a libro iti Bicol, Hiligaynon, Pangasinan, ken Samar-Leyte, dagiti reperensia a panid kadagitoy a lenguahe ket sigun iti Ingles a Panakirinnason a libro, nupay naipatarus dagiti tema.
◼ Inton Oktubre 31 ken Nobiembre 1, adu a tattao ti manglagip kadagiti pimmusay nga ing-ingungotenda. Isu a no mangasabatayo iti binalaybalay wenno iti sementerio kadagita nga aldaw, maitutop a mangitugottayo iti tract nga Aniat’ Namnama Kadagiti Ing-ingungoten a Natayen? wenno Adda Kadi Imortal a Kararuayo? ken dagiti broshur a No Adda Matay nga Ay-ayatenyo wenno Ania ti Mapasamak Kadatayo No Mataytayo?
◼ Adda pay abastotayo a 2002 Tinawen a Libro a Cebuano, Iloko, ken Tagalog iti sanga nga opisina. Paregtaenmi dagiti makasapul kadagitoy nga agpedidoda babaen ti kongregasion. Mabalin nga agpedido dagiti kongregasion para iti libraria ti Kingdom Hall-da.
◼ Dagiti pedido para iti 2003 Tinawen a Libro ket mabalinen a maipatulod iti sanga nga opisina. Iti statement para iti Hunio, nangipatulodkami iti Yearbook Order Blank maipaay iti daytoy a panggep. No agpedidokayo ita a tawen, laglagipenyo koma a maitampok iti 2003 Tinawen a Libro ti pakasaritaan ti trabaho ditoy Pilipinas, isu nga awan duadua a kayatyo ti agpedido iti umdas nga abasto para kadagiti kakabsat. Maipatarus daytoy iti Cebuano, Iloko, ken Tagalog tapno magunggonaan ti amin. Pangngaasiyo ta isubliyo ti order blank saan a naladladaw ngem Nobiembre 15, 2002.
◼ Baro nga Audiocassette a Magun-odan:
A Satisfying Life—How to Attain It —Ingles