Dagiti Pakaammo
◼ Literatura a tukon iti Disiembre: Maitukon ti aniaman kadagiti sumaganad a libro: Ti Katan-okan a Tao a Nagbiag Pay Laeng, Ti Biblia—Saot’ Dios Wenno iti Tao?, Ti Librok Dagiti Estoria ti Biblia, wenno Mabalinyo ti Agbiag nga Agnanayon iti Paraiso a Daga. Enero: Mabalin nga itukon ti aniaman a daan a 192 ti panidna a libro. Dagiti awanan kadagiti daan a libro, mabalin nga itukonda ti Panangbirok ti Sangatauan iti Dios. Pebrero: Mabalin nga itukon ti libro a Creation wenno ti Tampok ti Apocalipsis. Marso: Maitukon ti libro a Pannakaammo ket ikagumaan a makairugi iti panagadal iti Biblia.
◼ No agbakasionkayo wenno tumabuno iti kombension distrito iti ngudo ti Disiembre, siguraduenyo nga iyawat dagiti reportyo iti tay-ak ti serbisio iti Manangaywan ti Panagadal iti Libro ti Kongregasion sakbay a pumanawkayo. No tunggal maysa ket silalagip nga agreport, saan a bumaba ti bilang dagiti agibumbunannag iti Disiembre iti laksid nga okupadotayo gapu iti itatabuno iti kombension.
◼ Kontribusion iti Kombension Distrito: Amin a paggastuan kadagiti kombension, agraman ti abang iti estadium, panangisagana iti plataporma ken sound system, agraman ti nagastos iti aniaman a baro a publikasion a mairuar, ket nasuportaran babaen dagiti boluntario a kontribusion iti sangalubongan a trabaho. Namnamaenmi a silalagipkayo iti dayta no tumabunokayo. Maipisok dagiti donasion kadagiti kahon ti kontribusion iti tunggal pagkombensionan.
◼ Teksto Para iti Tawen 2003: Ti teksto para iti tawen 2003 ket naadaw iti Santiago 4:8: “Umadanikayo iti Dios, ket isu umadaninto kadakayo.” Amin a kongregasion nasken nga iplastarda ti baro a teksto ti tawen iti Kingdom Hall-da inton Enero 1, 2003.
◼Iti Gimong ti Serbisio inton Pebrero, mapagsasaritaan ti video a Faithful Under Trials—Jehovah’s Witnesses in the Soviet Union. Dagidiay mayat a mangala iti kopia daytoy a video nasken nga agkiddawda babaen ti kongregasion iti kasapaan a gundaway.
◼ Adda maaramid a panagbalbaliw iti pannakaikondukta ti Teokratiko nga Eskuelaan ti Panagministro kabayatan ti panagbisita ti manangaywan iti sirkito. Mangrugi inton Enero 2003, kalpasan ti panglukat a kanta ken kararag, maikondukta ti eskuelaan iti agarup 25 minuto. Adda lima-minuto a palawag maipapan iti kualidad ti panagpalawag, sangapulo-minuto a makaisuro a palawag, ken sangapulo-minuto a tampok iti Biblia. Saan a maiparang ti Paset Num. 2, 3, ken 4. Ti eskuelaan ket sarunuen ti 30-minuto a Gimong ti Serbisio. Kalpasan ti kanta, adda 30-minuto a programa ti manangaywan iti sirkito, a sarunuen ti pangserra a kanta ken kararag.