Dagiti Pakaammo

◼ Literatura a tukon iti Mayo: Indibidual a kopia Ti Pagwanawanan ken Agriingkayo! No sumarungkar kadagiti interesado, iraman dagidiay timmabuno iti Memorial wenno iti dadduma pay a teokratiko nga okasion ngem saan nga aktibo a makitimtimpuyog iti kongregasion. Ipamaysa ti panangipaima iti libro nga Agdayawkayo iti Dios ken ikagumaan ti mangirugi iti panagadal iti Biblia iti pagtaengan, nangruna kadagidiay nakalpasen iti libro a Pannakaammo ken ti broshur a Kalikaguman. Hunio: Ti baro a libro nga Agsursuroka iti Naindaklan a Mannursuro. No adda dagiti agkuna nga awan annakda, itukon ti broshur a Kalikaguman. Hulio ken Agosto: Mabalin nga itukon ti aniaman kadagiti broshur.

◼ Ti mamangulo a manangaywan wenno siasinoman a dutokanna sukimatenna ti kuenta ti kongregasion inton Hunio 1 wenno iti kabiitan a panawen kalpasan dayta. No naaramiden daytoy, iyanunsio iti kongregasion kalpasan a maibasa ti sumaruno a report ti kuenta.

◼ Iti sumaruno a bulbulan patulodandakayto kadagiti porma a kasapulan ti kongregasionyo iti umay a tawen serbisio. No adda sabali pay a porma a kasapulanyo, mabalin a pediduen dagitoy iti dati a pamay-an, nga usarenyo ti Literature Request form (S-14). Maipatulod dagitoy a porma nga awan bayadna, ngem awan duadua a kayat dagiti kongregasion ti mangted iti rasonable a kontribusion para iti sangalubongan a trabaho a makatulong iti gastos iti panagimprenta ken panagipatulod. Kayatmi a dakamaten a dagiti lapel card para iti Kombension Distrito iti 2004 ket mairaman iti pannakaipatulod dagiti porma, isut’ gapuna a saanen a masapul a pediduen dagitoy malaksid no kurang ti naipatulod kadakayo. Nupay kasta, masapul nga agpedidokayo iti plastik para iti badge card iti regular a Literature Request form.

◼ Adu pay ti suplay a Kingdom Melodies No. 9 iti sanga nga opisina. Dagiti agibumbunannag nga interesado a mangala iti dayta mabalinda ti agkiddaw iti agay-aywan iti literatura tapno maipatulod dayta iti sanga nga opisina iti sumaruno a Literature Request-da.