Dagiti Pakaammo
◼ Literatura a tukon iti Marso 1-20: Itukon ti libro a Pannakaammo nga addaan iti kalat a mangirugi kadagiti panangyadal iti Biblia. Marso 21–Abril 17: Espesial a kampania a panagiwaras iti broshur nga Agtultuloyka nga Agbantay! Abril 18–Mayo 31: Indibidual a kopia Ti Pagwanawanan ken Agriingkayo! No sumarungkar kadagiti interesado, agraman kadagidiay tumabtabuno iti Memorial wenno iti dadduma pay a teokratiko nga okasion ngem saan nga aktibo a makitimtimpuyog iti kongregasion, ipamaysa nga ipaima ti libro nga Agdayawkayo iti Dios. Ikagumaan ti mangirugi iti panangyadal iti Biblia, nangruna kadagidiay nakalpasen iti libro a Pannakaammo ken ti broshur a Kalikaguman. Hunio: Itukon ti libro nga Agsursuroka iti Naindaklan a Mannursuro. No kuna ti bumalay nga awan annakna, itukon ti broshur a Kalikaguman ken ikagumaan ti mangirugi iti panangyadal iti Biblia.
◼ Agplano koma itan dagiti agibumbunannag nga agtarigagay nga ag-auxiliary pioneer inton Abril ken Mayo sa itedda a nasakbay ti aplikasionda. Tumulong daytoy kadagiti panglakayen a mangaramid kadagiti kasapulan nga urnos iti panangasaba iti tay-ak ken mangisagana iti umdas a magasin a mausar. Mayanunsio iti kongregasion ti nagan dagiti naaprobaran nga ag-auxiliary pioneer.
◼ Panagbasa iti Biblia iti Lawas ti Memorial: Maiparegta iti amin a basaenda iti naisingasing a paset ti Biblia a nayeskediul iti 2005 Calendar ken iti Panangsukimat Kadagiti Kasuratan iti Inaldaw, a mangrugi inton Marso 19 ken agngudo iti aldaw ti Memorial, Marso 24.
◼ Panagadal iti Libro ti Kongregasion: Manipud iti lawas ti Mayo 23, 2005 agingga iti lawas ti Hunio 20, 2005, adalentayo ti broshur nga Agtultuloyka nga Agbantay! Kalpasanna, mangrugi iti lawas ti Hunio 27, 2005, adalentayo ti libro nga Ipangagyo ti Padto ni Daniel. Dagiti kongregasion a Cebuano, Hiligaynon, Iloko, ken Tagalog ti pagsasaoda, ipatulodda koman a dagus ti pedidoda iti libro a Padto ni Daniel tapno masigurado nga addaan ti amin iti bukodda a kopia a mausar iti panagadal. Kadagiti kongregasion a Bicol, Pangasinan, ken Samar-Leyte ti pagsasaoda, maaramid a bokleta ti mapagadalan a material sa mapatulodanto iti suplay ti tunggal kongregasion tapno maaddaan iti kopia dagiti amin nga agibumbunannag. Saan ngarud a kasapulan ti agpedido kadagitoy tallo a pagsasao.