Dagiti Pakaammo
◼ Literatura a tukon iti Abril 1-17: Espesial a kampania a panagiwaras iti broshur nga Agtultuloyka nga Agbantay! Abril 18–Mayo 31: Indibidual a kopia Ti Pagwanawanan ken Agriingkayo! No sumarungkar kadagiti interesado, agraman kadagidiay tumabtabuno iti Memorial wenno iti dadduma pay a teokratiko nga okasion ngem saan nga aktibo a makitimtimpuyog iti kongregasion, ipamaysa nga ipaima ti libro nga Agdayawkayo iti Dios. Ikagumaan ti mangirugi iti panangyadal iti Biblia, nangruna kadagidiay nakalpasen iti libro a Pannakaammo ken ti broshur a Kalikaguman. Hunio: Itukon ti libro nga Agsursuroka iti Naindaklan a Mannursuro. No kuna ti bumalay nga awan annakna, itukon ti broshur a Kalikaguman ken ikagumaan ti mangirugi iti panangyadal iti Biblia. Hulio ken Agosto: Mabalin nga itukon ti aniaman kadagiti broshur.
◼ Mabiiten a magun-odan ken mabalinen a pediduen dagiti tomo ti 2004 a Watchtower ken Awake! Nupay kasta, laglagipenyo nga special-request item dagitoy ken mapedido laeng no adda dagiti agibumbunannag nga agkiddaw kadagitoy. No naawaten dagiti pedido ngem di pay dimteng dagiti tomo, maipakita dagitoy kas “back-ordered” ken maipatulod kadakayo dagiti tomo no simmangpeten manipud Brooklyn.
◼ Dagiti sekretario ti kongregasion kanayon koma nga addaanda iti umdas a suplay kadagiti porma nga Application for Regular Pioneer Service (S-205) ken Application for Auxiliary Pioneer Service (S-205b). Mabalin a pediduen dagitoy iti Literature Request Form (S-14). Adda koma umdas a suplayyo iti makatawen. Repasuenyo ti amin nga aplikasion dagiti ag-regular pioneer tapno masierto a kompleto ken umiso ti impormasion a naisurat kadagita, agraman ti petsa ti pannakabautisar ti aplikante.
◼ Adu dagiti agibumbunannag nga agsalsaludsod maipapan kadagiti kanta ti Pagarian a nairekord iti popular nga estilo a maiwarwaras kadagiti Saksi ni Jehova. Damdamagenda no inanamongan ti organisasion dagitoy a nairekord a kanta. Ammomi ti maipapan kadagitoy a nairekord a kanta ket kayatmi nga ipakaammo kadakayo a saanmi nga inanamongan dagita. Pangngaasiyo ta diyo iwarwaras wenno i-download dagitoy a nairekord a kanta manipud iti Internet. Agtalekkami a daytoy nga impormasion lawlawaganna dagiti bambanag.