Repaso iti Teokratiko nga Eskuelaan ti Panagministro
Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Agosto 29, 2005. Mangikondukta ti manangaywan iti eskuelaan iti 30-minuto a repaso a naibatay iti material a saklawen dagiti paset para iti lawas ti Hulio 4 agingga iti Agosto 29, 2005. [Palagip: No awan dagiti reperensia kalpasan ti saludsod, dakayo a mismo ti agsukimat a mangbirok kadagiti sungbat.—Kitaenyo ti Eskuelaan ti Panagministro, p. 36-7.]
DAGITI KUALIDAD TI PANAGPALAWAG
1. No isarsaritatayo kadagiti sabsabali ti maipapan iti namnamatayo, kasano a ti ‘kinanainkalintegantayo maammuan koma dagiti amin a tattao,’ ken apay a napateg daytoy? (Fil. 4:5; Sant. 3:17) [be p. 251 par. 1-3, kahon]
2. Kasano a ti panangikeddeng no kaano nga agpabus-oytayo ket makatulong kadatayo a makilangen a sibaballigi kadagiti sabsabali? [be p. 253 par. 1-2]
3. Apay a napateg ti nasigo a panangusar kadagiti saludsod no tultulongantayo ti maysa a tao nga agrason maipapan iti maysa a banag? [be p. 253 par. 3-4]
4. Ania dagiti nasken nga ikonsiderar tapno makaguyugoy ti palawag? [be p. 255 par. 1-4, kahon; p. 256 par. 1, kahon]
5. Ania ti rumbeng a laglagipentayo no agusartayo iti di naibatay iti Biblia a pammaneknek a mangsuporta a nainkalintegan ti ibagbaga ti Kasuratan? [be p. 256 par. 3-5, kahon]
PASET NUM. 1
6. Ania a nalawag a pammaneknek ti mangpasingked a pudno a nagbiag ni Jesus ditoy daga? [w03 6/15 p. 4-7]
7. Kasano a ‘ti ngiwat dagidiay napalungdo ispalenna ida,’ ken kasano a ti mismo a balay dagiti nalinteg “agtalinaedto a sitatakder”? (Prov. 12:6, 7) [w03 1/15 p. 30 par. 1-3]
8. Yantangay ti Biblia ket saan a naglaon iti nakaat-atiddog a listaan dagiti espesipiko nga alagaden, kasano a ‘mailasintayo no ania ti pagayatan ni Jehova’? (Efe. 5:17) [w03 12/1 p. 21 par. 3–p. 22 par. 3]
9. Ania dagiti prinsipio iti Biblia a no mayaplikar ket makatulong iti maysa a tao a mangsaranget iti kinapanglaw wenno kinarigat ti biag? [w03 8/1 p. 5 par. 2-5]
10. Kasano koma nga apektarannatayo ti ulidan ni Jehova iti sibubulos a panangted? (Mat. 10:8) [w03 8/1 p. 20-2]
LINAWAS A PANAGBASA ITI BIBLIA
11. Ania ti ipasimudaag ti dua nga adigi a napanaganan iti Jaquin ken Boaz nga adda iti pagserkan ti templo nga imbangon ni Solomon? (1 Ar. 7:15-22)
12. Maitunos kadi iti Mosaiko a Linteg ti panangisagut ni Solomon iti 20 a siudad iti daga ti Galilea ken ni Ari Hiram iti Tiro? (1 Ar. 9:10-13)
13. Ania ti maadaltayo iti panagsukir ti “maysa a lalaki ti Dios”? (1 Ar. 13:1-25)
14. Kasano a ni Asa nga ari ti Juda impakitana ti turedna, ket ania ti maadaltayo iti inaramidna? (1 Ar. 15:11-13)
15. Kasano a ti pasamak a mainaig kada Ari Ahab ken Nabot ipakitana ti peggad ti panangay-ay iti bagi? (1 Ar. 21:1-16)