Repaso iti Teokratiko nga Eskuelaan ti Panagministro
Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Hunio 26, 2006. Mangikondukta ti manangaywan iti eskuelaan iti 30-minuto a repaso a naibatay iti material a saklawen dagiti paset para iti lawas ti Mayo 1 agingga iti Hunio 26, 2006. [Palagip: No awan dagiti reperensia kalpasan ti saludsod, dakayo a mismo ti agsukimat a mangbirok kadagiti sungbat.—Kitaenyo ti Eskuelaan ti Panagministro, p. 36-7.]
DAGITI KUALIDAD TI PANAGPALAWAG
1. Ania ti modulasion, ken apay a napateg dayta? [be p. 111, kahon]
2. Kasanotayo a mabaliwbaliwan ti kapartak ti panagpalawagtayo? [be p. 112 par. 3-6, kahon]
3. Kasano a mapatanortayo ti entusiasmo iti topiko ti palawagtayo, ken apay a napateg daytoy? [be p. 115 par. 1–p. 116 par. 2, kahon]
4. No isurotayo dagiti sabsabali, apay a napateg ti kinabara, ken ania ti makatulong kadatayo a mangyebkas iti dayta? [be p. 118 par. 2–p. 119 par. 5]
5. Ilawlawagyo ti kinapateg ti panagkompas ken ekspresion ti rupa iti komunikasion. (Mat. 12:48, 49) [be p. 121, kahon]
PASET NUM. 1
6. Kasano a ti libro a Job itan-okna ni Jehova ken itandudona dagiti nalinteg a pagalagadanna mainaig iti panagbiag? [si p. 100 par. 39, 41]
7. Ania ti mangpasingked iti kinaautentiko ti Salmo? [si p. 102 par. 10-11]
8. Desdeskribiren kadi ti Proverbio 13:16 ti maysa a nasikap idi tinukoyna ti nasaldet a tao? Ilawlawagyo. [w04 7/15 p. 28 par. 3-4]
9. Kasano nga agserbi ti nasantuan nga espiritu kas katulongan, ken ti pannakaammo iti daytoy paregtaennatayo a mangaramid iti ania? (Juan 14:25, 26) [be p. 19 par. 2-3]
10. Iti ania nga anag nga umay ni Jesus, ken ania nga ‘iyaay’ ti tuktukoyenna kas nailanad iti Mateo 16:28? [w04 3/1 p. 16 kahon]
LINAWAS A PANAGBASA ITI BIBLIA
11. Ania ti maadaltayo iti sungbat ni Job ken ni Jehova iti Job 42:1-6?
12. Ania ti “ubbaw a banag” nga idaydayamudom dagiti nasion? (Sal. 2:1, 2)
13. Ania dagiti pamuon a marba? (Sal. 11:3)
14. Kasano a ‘masupapakan iti aglablabes’ ti natangsit a tao? (Sal. 31:23)
15. Ania a liwliwa ti magun-odantayo iti Salmo 40 a tumulong kadatayo a mangdaer iti imperpekto a lasagtayo ken iti nagduduma a didigra iti daytoy a sistema ti bambanag? (Sal. 40:1, 2, 5, 12)