Dagiti Pakaammo
◼ Literatura a tukon iti Oktubre 1-15: Dagiti magasin a Pagwanawanan ken Agriingkayo! No adda mangipakita iti interes, itukonyo ti broshur nga Agtultuloyka nga Agbantay! Oktubre 16–Nobiembre 12: Espesial a kampania ti Kingdom News No. 37. Nobiembre 13-30: Itukonyo ti libro nga Agsursuroka iti Naindaklan a Mannursuro. Disiembre: Mabalin nga itukon ti aniaman kadagiti sumaganad a libro: Ti Katan-okan a Tao a Nagbiag Pay Laeng, Ti Biblia—Saot’ Dios Wenno iti Tao?, Ti Librok Dagiti Estoria ti Biblia, wenno Mabalinyo ti Agbiag nga Agnanayon iti Paraiso a Daga. Enero: Mabalin nga itukon ti aniaman a 192 ti panidna a libro a naipablaak sakbay ti 1991. No awan iti kongregasionyo dagitoy a daan a libro, mabalin nga itukon ti libro a Pannakaammo wenno ti broshur nga Agtultuloyka nga Agbantay!
◼ Mabalinen nga ipatulod iti sanga nga opisina dagiti pedido iti 2007 Tinawen a Libro. Agpaay iti daytoy a panggep, maipatulod ti Yearbook Order Blank a kadua ti Agosto a binulan nga statement. Dagiti coordinator ken agay-aywan kadagiti literatura suratanda daytoy ken isublida ti orihinal a kopia iti sanga nga opisina a saan a naladladaw ngem Nobiembre 15, 2006.
◼ Ti kompleto a programa ti kombension distrito para kadagiti tuleng ket nayurnos iti Metro Manila Assembly Hall idiay Quezon City inton Enero 5-7, 2007. Masapul a tabunuan dayta dagiti tuleng a makatarus iti sign language ken mayat a magunggonaan iti programa, yantangay awanen ti mayurnos a programa para kadagiti tuleng kadagiti sabali pay a kombension.
◼ Yantangay addaan iti lima a Sabado ken lima a Domingo ti Disiembre, nasayaat dayta a bulan para iti panag-auxiliary pioneer.
◼ Ti Kombension Distrito ti Bacolod City ket maangay inton Disiembre 22-24, 2006 imbes a Disiembre 8-10, 2006.
◼ Dagiti Baro a Publikasion a Magun-odan:
Apocalipsis—Ti Grande a Tampokna Asidegen!—Bicol, Hiligaynon, Pangasinan, Samar-Leyte (Palagip: Mangrugi inton Oktubre 1, 2006 mabalinen ti agpedido kadagitoy a publikasion, agraman dagiti kanayonan a suplay iti daytoy a libro iti Cebuano, Iloko, ken Tagalog. Ipatulodmi a dagus dagiti pedidoyo apaman a makasangpet ti suplaytayo manipud Japan. Ikagumaanmi a makagtengda kadakayo a nasaksakbay tapno adda usarenyo iti Panagadal iti Libro ti Kongregasion a mangrugi iti lawas ti Enero 8, 2007.)