Dagiti Pakaammo

◼ Literatura a tukon iti Enero: Mabalin nga itukon ti aniaman a 192 ti panidna a libro a naipablaak sakbay ti 1991. No awan iti kongregasionyo ti aniaman kadagitoy a daan a libro, itukon ti libro a Pannakaammo wenno ti broshur nga Agtultuloyka nga Agbantay! Pebrero: Itukon ti libro nga Umadanika ken Jehova. No awan daytoy a libro, mabalinyo nga itukon ti libro a Pannakaammo wenno ti aniaman a daan a publikasion. Marso: Itampok ti libro nga Isursuro ti Biblia ken ikagumaanyo ti mangirugi kadagiti panagadal iti Biblia. Abril ken Mayo: Itukon dagiti indibidual a kopia Ti Pagwanawanan ken Agriingkayo! No sumarungkar kadagiti interesado, agraman kadagidiay timmabuno iti Memorial ngem saanda nga aktibo a makitimtimpuyog iti kongregasion, ikagumaanyo nga ipaima ti libro nga Isursuro ti Biblia nga addaan iti kalat a mangirugi iti panangyadal iti Biblia.

◼ Dagiti kongregasion mangaramidda koman kadagiti urnos iti panangrambak iti Memorial ita a tawen. Maangay dayta inton Lunes, Abril 2, 2007, kalpasan ti ilelennek ti init. Nupay mabalin nga irugi a nasapsapa ti palawag, sa la ipasa dagiti emblema ti Memorial no limneken ti init. Nupay nasaysayaat koma no kada kongregasion ket rambakanda ti Memorial a bukbukodda, mabalin a saan a kanayon a posible daytoy. No adu a kongregasion ti agus-usar iti maysa a Kingdom Hall, mabalin a gumun-od ti maysa wenno ti dadduma pay a kongregasion iti sabali a pasilidad nga usarenda iti dayta a rabii. No mabalbalin, isingasingmi nga 40 minuto koma ti baet dagiti programa tapno magunggonaan ti amin iti dayta nga okasion.

◼ Maipalawag inton Domingo, Abril 15, 2007, ti espesial a palawag publiko para iti 2007. Maipakaammonto ti tema ti palawag. Kadagiti kongregasion a mairana ti bisita ti manangaywan iti sirkito wenno ti asamblea iti dayta a ngudo ti lawas, maangay ti espesial a palawag iti sumaruno a lawas. Awan koma ti kongregasion a mangangay iti espesial a palawag sakbay ti Abril 15.

◼ Mangrugi iti Marso 2007, ti baro a palawag publiko para kadagiti manangaywan iti sirkito ket napauluan iti “Ania ti Takdermo iti Imatang ti Dios?”

◼ Mausigto ti video a Young People Ask—What Will I Do With My Life? iti maysa a Gimong ti Serbisio inton Abril. No kasapulan, mapedido koma daytoy babaen ti kongregasion.

◼ Dagiti sekretario ti kongregasion nasken a siguraduenda nga adda surat ti pannakadutok (S-202) ti tunggal regular pioneer iti kongregasion. No awan, agsuratda iti sanga nga opisina tapno ipakaammoda dayta.

◼ Baro a Publikasion a Magun-odan:

Maibulsa ken Nalap-it ti akkubna nga Edision ti New World Translation of the Holy Scriptures—Ingles (Magun-odan iti nangisit wenno maron.)