Dagiti Pakaammo
◼ Literatura a tukon iti Pebrero: Itukon ti libro nga Umadanika ken Jehova. No awan daytoy a libro, mabalinyo nga itukon ti libro a Pannakaammo wenno ti aniaman a daan a publikasion. Marso: Itampok ti libro nga Isursuro ti Biblia ken ikagumaanyo ti mangirugi kadagiti panagadal iti Biblia. Abril ken Mayo: Itukon dagiti indibidual a kopia Ti Pagwanawanan ken Agriingkayo! No sumarungkar kadagiti interesado, agraman kadagidiay timmabuno iti Memorial ngem saanda nga aktibo a makitimtimpuyog iti kongregasion, ikagumaanyo nga ipaima ti libro nga Isursuro ti Biblia nga addaan iti kalat a mangirugi iti panangyadal iti Biblia.
◼ Ti paulo ti espesial a palawag publiko inton Domingo, Abril 15, 2007 ket “Mabalin a Makariknakayo iti Kinatalged Uray Nariribuk ti Lubong!” Kas palagip, kadagiti kongregasion a mairana ti bisita ti manangaywan iti sirkito, asamblea sirkito, wenno aldaw ti espesial nga asamblea iti dayta a ngudo ti lawas, maangay ti espesial a palawag inton Abril 22, 2007. Kadagiti kongregasion a saan a Domingo ti pannakaangay ti miting publiko, mabalin nga iyeskediul ti espesial a palawag kadagiti aldaw manipud iti Abril 16-21, 2007.
◼ Ti sekretario ken ti manangaywan iti serbisio repasuenda ti nagapuanan dagiti amin a regular pioneer iti agtapus ti Pebrero. No adda asinoman a marigatan a mangragpat iti makalikaguman nga oras, iyurnos koma dagiti panglakayen ti panangtulong kenkuana tapno maabut ti makalikaguman a tinawen nga oras iti Agosto 31, 2007.
◼ Ti mamangulo a manangaywan wenno siasinoman a dutokanna, sukimatenna ti kuenta ti kongregasion inton Marso 1 wenno iti kabiitan a panawen kalpasan dayta. No naaramiden daytoy, iyanunsio iti kongregasion kalpasan a maibasa ti report ti kuenta ken ti surat kas panagyaman kadagiti donasion a naggapu iti sanga nga opisina.
◼ Inton Domingo, Pebrero 18, 2007, kalpasan ti Panagadal iti Pagwanawanan, addanto miting dagiti amin nga agpalplano nga ag-auxiliary pioneer iti bulan ti Marso, Abril, ken Mayo. Ti manangaywan iti serbisio ti mangidaulo iti daytoy a miting, a siguraduenna nga adda umdas nga Application for Auxiliary Pioneer Service a maibunong kadagiti amin a makimiting.