Dagiti Pakaammo
◼ Literatura a tukon iti Mayo: Itukon ti indibidual a kopia Ti Pagwanawanan ken Agriingkayo! No sumarungkar kadagiti interesado, agraman kadagidiay timmabuno iti Memorial ngem saanda nga aktibo a makitimtimpuyog iti kongregasion, ikagumaanyo nga ipaima ti libro nga Isursuro ti Biblia nga addaan kalat a mangirugi iti panangyadal iti Biblia. Hunio: Itukon ti libro a Kinaragsak ti Pamilia. Hulio ken Agosto: Mabalin nga itukon ti aniaman kadagiti broshur.
◼ Iti sumaruno a bulbulan, mangipatulodkaminto kadagiti porma a kasapulan ti kongregasionyo iti umay a tawen serbisio. No adda dadduma pay a porma a kasapulanyo, mabalin a pediduen dagitoy babaen ti panangusar iti Literature Request Form (S-14). Maipatulod dagitoy a kopia nga awan bayadna, ngem awan duadua a kayat ti kongregasion ti mangted iti maitutop a kontribusion para iti sangalubongan a trabaho a makatulong iti gastos iti panagimprenta ken panagipatulod. Kayatmi a dakamaten a dagiti badge card para iti 2007 a Kombension Distrito ket mairaman iti pannakaipatulod dagiti porma, isu a saanen a masapul a pediduen dagitoy malaksid no kurang ti impatulodmi kadakayo. Nupay kasta, masapul nga agpedidokayo iti plastik para iti badge iti regular a Literature Request Form (S-14).
◼ Dagiti bagi dagiti panglakayen repasuenda koma ti Hulio 6, 2006 a surat maipapan iti panagsagana iti didigra ken siguraduenda nga addaanda iti kabaruan a rekord ti numero ti telepono ken adres ti tunggal agibumbunannag. Makatulong no dagiti agibumbunannag pakaammuanda dagiti manangaywan iti Panagadal iti Libro ti Kongregasion wenno ti sabali pay a panglakayen no kas pagarigan ta pumanawda iti sumagmamano nga aldaw kas koma no agbiaheda tapno agbakasion wenno agasikaso iti negosio, mayospitalda, ken dadduma pay.
◼ Ti material para kadagiti makaisuro a palawag a naibatay iti “Amin a Kasuratan Impaltiing ti Dios ket Naimbag” a masaklaw iti Teokratiko nga Eskuelaan ti Panagministro iti daytoy a tawen ket naipablaak kas maysa a broshur agpaay a pakagunggonaan dagiti amin a Bicol, Hiligaynon, Pangasinan, ken Samar-Leyte a kongregasion. Napauluan daytoy a broshur iti “All Scripture”—Authentic and Beneficial” ket ti pangababaanna, bsi. Adu a kopia ti naipatulod tapno adda usaren ti tunggal agibumbunannag.
◼ Baro a DVD a Magun-odan:
Organized to Share the Good News ken Whole Association of Brothers—On DVD—Iti Ingles (Dua a video iti maymaysa a DVD. Ti umuna a video ket ti rebisado nga edision ti Jehovah’s Witnesses—The Organization Behind the Name.)