Dagiti Pakaammo
◼ Literatura a tukon iti Hulio ken Agosto: Mabalin nga itukon ti aniaman kadagiti broshur; nupay kasta, nasayaat no kanayon nga itugotyo ti broshur a Kalikaguman tapno maaddaankayo iti gundaway a mangirugi kadagiti panangyadal iti Biblia. Setiembre: Ania a Talaga ti Isursuro ti Biblia? Ikagumaanyo ti mangirugi kadagiti panangyadal iti Biblia iti damo nga isasarungkar. No addaanen dagiti bumalay iti kastoy a publikasion, ipakita no kasanoda a magunggonaan iti dayta babaen ti panangidemostra iti apagbiit no kasano ti agadal iti Biblia. Oktubre: Ti Pagwanawanan ken Agriingkayo! No adda mangipakita iti interes, itukon ken ilawlawagyo ti polieto a Kayatyo Kadi a Maammuan ti Ad-adu Pay Maipapan iti Biblia? nga addaan panggep a mangirugi iti panangyadal iti Biblia.
◼ Inton Sabado, Agosto 25, 2007, adda sapasap a panagdalus iti Pagtaengan a Bethel iti Quezon City, isu a nakaserranto ti opisina iti dayta nga agsapa ken awan ti maaramid a panagpasiar iti dayta nga aldaw. Nakaserranto met ti literature reception iti dayta nga agsapa.
◼ Yantangay lima ti Sabado ken lima ti Domingo inton Setiembre, nagsayaat a bulan dayta para iti panag-auxiliary pioneer.
◼ Mangrugi iti umuna a lawas ti Setiembre, ipaay dagiti manangaywan iti sirkito ti palawag publiko a napauluan iti “Siasino ti Kualipikado a Sumrek iti Baro a Lubong ti Dios?”
◼ Ti tinawen a pannakaimbentario dagiti amin a suplay a literatura ken magasin ket maaramid inton Agosto 31, 2007, wenno sakbay dayta aginggat’ mabalin. Umasping daytoy nga imbentario iti aktual a binulan a panagbilang ti literature coordinator, ken maiserrek dagiti pakadagupanna iti porma a Literature Inventory (S-18). Maala iti/kadagiti agay-aywan iti magasin ti dagup a bilang dagiti magasin. Ti sekretario ti coordinating congregation ti mangimaton iti imbentario. Isu ken ti mamangulo a manangaywan iti coordinating congregation ti mangpirma iti porma. Makaawatto ti tunggal coordinating congregation iti tallo a porma a Literature Inventory a nairagpin iti surat para iti Hunio. Pangngaasiyo ta ipatulodyo ti orihinal iti sanga nga opisina a saan a naladladaw ngem Setiembre 6, 2007. Idulinyo ti maikadua a kopia. Mabalin nga usaren a work sheet ti maikatlo a kopia.
◼ Baro a Compact Disc a Magun-odan:
Watchtower Library—2006 Edition iti CD-ROM