Dagiti Pakaammo

◼ Literatura a tukon iti Oktubre: Ti Pagwanawanan ken Agriingkayo! No adda mangipakita iti interes, itukon ken ilawlawagyo ti tract a Kayatyo Kadi a Maammuan ti Ad-adu Pay Maipapan iti Biblia? nga addaan panggep a mangirugi iti panangyadal iti Biblia. Nobiembre: Agsursuroka iti Naindaklan a Mannursuro. No kuna ti bumalay nga awan ti anakna, itukonyo ti broshur nga Agtultuloyka nga Agbantay! Disiembre: Mabalin nga itukon ti aniaman kadagitoy a libro: Ti Katan-okan a Tao a Nagbiag Pay Laeng, Umadanika ken Jehova, wenno Ti Sekreto ti Kinaragsak iti Pamilia. Enero: Mabalin nga itukon ti aniaman a 192 ti panidna a libro a naipablaak sakbay ti 1991. Dagiti kongregasion nga awanan kadagitoy a libro mabalinda nga itukon ti libro a Pannakaammo (no adda) wenno ti broshur nga Agtultuloyka nga Agbantay!

◼ Mabalinen nga ipatulod iti sanga nga opisina dagiti pedido iti 2008 Tinawen a Libro. Agpaay iti daytoy a panggep, maipatulod ti Yearbook Order Blank a kadua ti Agosto a binulan nga statement. Dagiti coordinator ken agay-aywan kadagiti literatura suratanda daytoy ken isublida ti orihinal a kopia iti sanga nga opisina a saan a naladladaw ngem Nobiembre 15, 2007.

◼ Adda nayurnos a dua a kompleto a programa ti kombension distrito para kadagiti tuleng. Maangay idiay Quezon City ti maysa ken idiay Cagayan de Oro City ti maikadua. Dagiti tuleng a makatarus iti sign language masapul a tabunuanda ti maysa kadagitoy a kombension yantangay awanen ti mayurnos a programa para kadagiti tuleng kadagiti sabali pay a kombension.

◼ Yantangay lima ti Sabado ken lima ti Domingo inton Disiembre, nagsayaat a bulan dayta para iti panag-auxiliary pioneer.

◼ Mausigto ti video a Transfusion-Alternative Health Care—Meeting Patient Needs and Rights iti maysa a Gimong ti Serbisio inton Enero. No kasapulan, mapedido koma daytoy babaen ti kongregasion iti kabiitan a panawen.

◼ Laglagipenyo a ti kabsat a mangiparang iti maudi a paset iti Gimong ti Serbisio ket isu ti mangidaulo iti pangserra a kanta. Kalpasanna, isu wenno ti sabali pay a kualipikado a kabsat a lalaki a natudingan a nasaksakbay ti mangidaulo iti pangserra a kararag.

◼ Baro a Publikasion a Magun-odan:

Baro a Lubong a Patarus ti Nasantuan a Kasuratan (nalapiot ti akkubna nga edision)—Iloko