Dagiti Pakaammo

◼ Literatura a tukon iti Disiembre: Mabalin nga itukon ti aniaman kadagiti sumaganad a libro: Ti Katan-okan a Tao a Nagbiag Pay Laeng, Umadanika ken Jehova, wenno Ti Sekreto ti Kinaragsak iti Pamilia. Enero: Mabalin nga itukon ti aniaman a 192 ti panidna a libro a naipablaak sakbay ti 1991. Dagiti kongregasion nga awanan kadagita a libro mabalinda nga itukon ti libro a Pannakaammo (no adda) wenno ti broshur nga Agtultuloyka nga Agbantay! Pebrero: Mabalin nga itukon ti libro a Life—How Did It Get Here? By Evolution or by Creation? wenno ti libro a Kinaragsak iti Pamilia. Marso: Ania a Talaga ti Isursuro ti Biblia? Ikagumaanyo ti mangirugi kadagiti panangyadal iti Biblia.

◼ No awankayto iti kongregasionyo iti ngudo ti Disiembre gapu iti itatabunoyo iti kombension distrito, siguraduenyo nga ited iti manangaywan iti Panagadal iti Libro ti Kongregasion dagiti reportyo iti serbisio iti tay-ak sakbay a pumanawkayo. Wenno, no addakayo iti adayo, mabalinyo nga iyawag wenno i-text ti reportyo kenkuana wenno iti sekretario ti kongregasion, iti kasta agbalinkayo a “matalek iti kabassitan.”—Luc. 16:10.

◼ Ti dutokan ti mamangulo a manangaywan sukimatenna ti kuenta ti kongregasion kadagiti bulan ti Setiembre, Oktubre, ken Nobiembre. No naaramiden daytoy, ipakaammo iti kongregasion kalpasan a maibasa ti sumaruno a report ti kuenta.—Kitaenyo ti Instructions for Congregation Accounting (S-27).

◼ Teksto Para iti Tawen 2008: Ti teksto para iti tawen 2008 ket naadaw iti Exodo 14:13: “Agtakderkayo a sititibker ket kitaenyo ti panangisalakan ni Jehova.” Amin a kongregasion nasken nga iplastarda ti baro a teksto para iti tawen iti Kingdom Hall-da inton Enero 1, 2008.

◼ Baro a DVD a Magun-odan: The Bible—A Book of Fact and Prophecy iti DVD—Ingles (Tallo a video iti maysa a DVD)