Dagiti Pakaammo
◼ Literatura a tukon iti Pebrero: Mabalin nga itukon ti libro a Life—How Did It Get Here? By Evolution or by Creation? wenno ti libro a Kinaragsak iti Pamilia. Marso: Ania a Talaga ti Isursuro ti Biblia? Ikagumaanyo ti mangirugi kadagiti panangyadal iti Biblia. Abril ken Mayo: Ti publiko nga edision Ti Pagwanawanan kasta met ti Agriingkayo! No sumarungkarkayo kadagiti interesado, ipamaysayo ti panangirugi kadagiti panangyadal iti Biblia babaen ti libro nga Isursuro ti Biblia.
◼ Ti sekretario ken ti manangaywan iti serbisio repasuenda ti nagapuanan dagiti amin a regular pioneer iti agtapus ti Pebrero. No adda asinoman a marigatan a mangragpat iti makalikaguman nga oras, iyurnos koma dagiti panglakayen ti panangtulong kenkuana tapno maabutna ti makalikaguman a tinawen nga oras iti Agosto 31, 2008.
◼ Inton Domingo, Pebrero 17, 2008, kalpasan ti Panagadal iti Pagwanawanan, addanto miting dagiti amin nga agpalplano nga ag-auxiliary pioneer iti bulan ti Marso, Abril, ken Mayo. Ti manangaywan iti serbisio ti mangidaulo iti daytoy a miting, a siguraduenna nga adda umdas nga Application for Auxiliary Pioneer Service a maibunong kadagiti amin a makimiting.
◼ Ti porma a Please Follow-Up para idiay Makintengnga a Daya: No mangipatulodkayo kadagiti porma nga S-43 iti Sosiedad tapno matunton dagiti agibumbunannag wenno interesado a tattao nga agtartrabaho idiay Makintengnga a Daya, pangngaasiyo ta iramanyo dagiti sumaganad nga impormasion: (1) ti nagan ken ti kongregasionyo; (2) no kabagianyo ti masarungkaran, siguraduenyo nga isurat dayta; (3) ti numero ti teleponona. Nasaysayaat no numero ti cell phone ti itedyo; (4) ti kompleto a nagan, adres, ken lenguahena (ti numero iti P.O. Box ti kalakaan a pamay-an tapno matunton babaen ti surat); (5) aniaman nga impormasion maipapan kenkuana (no mayad-adalan iti Biblia, ibagayo no kasano ti panagrang-ayna). No mangtedkayo iti umdas nga impormasion, saan a marigatan dagiti kakabsat a mangtunton iti dayta nga indibidual ken saan a maisarsarak ti trabahotayo kadagita a pagilian a pakaiparparitan ti aktibidadtayo.
◼ Baro a DVD a Magun-odan:
Pursue Goals That Honor God on DVD—Ingles (Naibatay iti drama idi 2005 mainaig iti biag ni Timoteo.)