Dagiti Pakaammo
◼ Literatura a tukon iti Hulio ken Agosto: Mabalin nga itukon ti aniaman kadagiti broshur; nupay kasta, nasayaat no kanayon a mangitugotkayo iti broshur a Kalikaguman tapno adda gundawaytayo a mangirugi kadagiti panangyadal iti Biblia. Setiembre: Ania a Talaga ti Isursuro ti Biblia? Ikagumaanyo ti mangirugi kadagiti panangyadal iti Biblia iti damo nga isasarungkar. No addaanen ti bumalay iti kastoy a publikasion, ipakitayo no kasanoda a magunggonaan iti dayta babaen ti panangidemostrayo iti apagbiit no kasano ti agadal iti Biblia. Oktubre: Dagiti magasin a Pagwanawanan ken Agriingkayo! No adda mangipakita iti interes, itukon ken ilawlawagyo ti tract a Kayatyo Kadi a Maammuan ti Ad-adu Pay Maipapan iti Biblia?
◼ Yantangay ti Agosto ket addaan iti lima a Sabado ken lima a Domingo, nagsayaat a bulan dayta para iti panag-auxiliary pioneer.
◼ Mangrugi iti Setiembre, ipaay dagiti manangaywan iti sirkito ti palawag publiko a napauluan iti “Magnakayo iti Dana ti Kinatarnaw.”
◼ Saan a patgan ti sanga nga opisina ti indibidual a pedido dagiti agibumbunannag iti literatura. Iyurnos ti mamangulo a manangaywan ti maysa a pakaammo iti kada bulan sakbay a maipatulod iti sanga nga opisina ti binulan a pedido para iti literatura ti kongregasion tapno amin nga interesado a maaddaan iti personal a kopia ti literatura mapakaammuanda ti kabsat a mangas-asikaso iti literatura. Diyo koma liplipatan no ania kadagiti publikasion ti special-request item.
◼ Ti tinawen a pannakaimbentario dagiti amin a suplay a literatura ken magasin ket maaramid koma aginggat’ mabalin inton Agosto 31, 2008, wenno sakbay dayta. Umasping daytoy nga imbentario iti aktual a binulan a panagbilang ti literature coordinator, ken maiserrek dagiti pakadagupanda iti porma a Literature Inventory (S-18). Maala kadagiti agay-aywan iti magasin ti dagup a bilang dagiti magasin. Ti sekretario ti coordinating congregation ti mangimaton iti imbentario. Isu ken ti mamangulo a manangaywan iti coordinating congregation ti mangpirma iti porma. Makaawatto ti tunggal coordinating congregation iti tallo a porma a Literature Inventory (S-18). Pangngaasiyo ta ipatulodyo ti orihinal iti sanga nga opisina a saan a naladladaw ngem Setiembre 6. Idulinyo ti maikadua a kopia. Mabalin nga usaren a work sheet ti maikatlo a kopia.
◼ Inton Sabado, Agosto 30, 2008, adda sapasap a panagdalus iti Bethel iti Quezon City, isu a nakaserranto ti Bethel iti dayta nga agsapa ken awan ti maaramid a panagpasiar iti dayta nga aldaw. Nakaserranto met ti Literature Reception iti dayta nga agsapa.