Repaso iti Teokratiko nga Eskuelaan ti Panagministro

Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Abril 27, 2009. Mangikondukta ti manangaywan iti eskuelaan iti 20-minuto a repaso a naibatay iti material a saklawen dagiti paset para iti lawas ti Marso 2 agingga iti Abril 27, 2009.

1. Kasano a sinaranget ni Jose ti inaldaw a sulisog a nakaipasanguanna? (Gen. 39:7-12) [lv p. 105 par. 18–p. 106 par. 20]

2. Ania ti ipasimudaag ti Biblia mainaig iti panangrambak iti kasangay? (Gen. 40:20-22) [lv p. 150 par. 9–p. 151 par. 11]

3. Iti ania a pamay-an a nagsayaat nga ulidan ni Jose no maipapan iti panangpakawan kadagidiay nakabasol kadatayo? (Gen. 45:4, 5) [w99 1/1 p. 31 par. 2-3]

4. Ania ti epekto ti sasao ni Jose a “masapul nga alaenyo nga isang-at dagiti tulangko manipud ditoy”? (Gen. 50:25) [w07 6/1 p. 28 par. 10]

5. Ania ti mangted kadatayo iti kompiansa no maikkantayo iti narigat nga annongen? (Ex. 4:10, 13) [w04 3/15 p. 25 par. 4]

6. Ania ti imbunga ti pamay-an ni Jehova a nakilangen ken Faraon, ken kasanonatayo nga apektaran dagidi a pasamak? (Ex. 9:13-16) [w05 5/15 p. 21 par. 8]

7. Ania ti kaipapanan ti Exodo 14:30, 31 iti kaaldawantayo? [w04 3/15 p. 26 par. 5]

8. Kas ipakita ti Exodo 16:1-3, ania dagiti pagdaksan ti panagtanabutob? [w93 3/15 p. 20 par. 2–p. 21. par. 2]

9. Maitunos kadagiti ipaannurot ti Linteg ti Tulag a nailanad iti Exodo 19:5, 6, iti ania nga anag a ti Israel ket “maysa a pagarian ti papadi ken maysa a nasantuan a nasion”? [w95 7/1 p. 16 par. 8]

10. Iti ania nga anag a ti maikasangapulo a bilin maipapan iti kinaagum ket natantan-ok nga amang ngem iti linteg ti tao? (Ex. 20:17) [w06 6/15 p. 23-24 par. 16]