Dagiti Pakaammo

◼ Literatura a tukon iti Enero: Ania a Talaga ti Isursuro ti Biblia? No addaanen dagiti bumalay iti libro, mabalin nga itukon ti aniaman a 192-panid a libro a naipablaak sakbay ti 1995. Pebrero: Ti Sekreto ti Kinaragsak iti Pamilia, wenno Ti Biblia—Saot’ Dios Wenno iti Tao? Marso: Ania a Talaga ti Isursuro ti Biblia? Abril ken Mayo: Dagiti magasin a Pagwanawanan ken Agriingkayo! No sarungkaranyo dagiti interesado wenno dagidiay timmabuno iti Memorial, ikagumaanyo ti mangipaima iti libro nga Isursuro ti Biblia a panggepyo ti mangirugi iti panangyadal iti Biblia.

◼ Ti Memorial ita a tawen ket maangay inton Martes, Marso 30, 2010, kalpasan ti ilelennek ti init. Nupay mabalin a nasapsapa a mangrugi ti palawag, sa laeng ipasa dagiti emblema iti Memorial no limneken ti init. Maipatulodto dagiti imbitasion iti tunggal kongregasion tapno maimbitaranyo ti amin iti teritoriayo a tumabuno iti daytoy a naisangsangayan nga okasion.

◼ Ti espesial a palawag publiko iti daytoy a tawen ket maangay iti lawas ti Abril 12, 2010, isu a maipalawagto dayta iti kaaduan a kongregasion inton Abril 18, 2010. Ti palawag ket napauluan “Pudno a Talna ken Talged—Kaano?” Kadagiti kongregasion a mairana ti panagbisita ti manangaywan iti sirkito wenno ti asambleada iti dayta a ngudo ti lawas, maangay ti espesial a palawag iti sumaruno a lawas. Awan koma ti kongregasion a mangangay iti espesial a palawag sakbay ti Abril 12.

◼ Mangrugi iti Marso 2010, ti baro a palawag publiko para kadagiti manangaywan iti sirkito iti panagbisitada kadagiti kongregasion ket “No Ania ti Ar-aramiden Itan ti Pagarian ti Dios Para Kadatayo.”