Repaso iti Teokratiko nga Eskuelaan ti Panagministro

Mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Pebrero 22, 2010. Mangikondukta ti manangaywan iti eskuelaan iti 20-minuto a repaso a naibatay iti material a saklawen dagiti paset para iti lawas ti Enero 4 agingga iti Pebrero 22, 2010.

1. Ania dagiti posible a makagapu nga intantan dagiti dadduma nga Israelita ti panangsakupda iti Naikari a Daga, ken ania ti maadaltayo iti daytoy? (Jos. 18:2, 3) [it-1-E p. 359 par. 5]

2. Apay a naikuna ni Josue ti adda a mabasa iti Josue 24:14, 15, ken kasano nga apektarannatayo daytoy? [w08 5/15 p. 17-18 par. 4-6]

3. Kasano a nagbalin a silo ken appan kadagiti Israelita dagiti agdaydayaw ken ni Baal ken ti wagas ti panagdaydayawda? (Uk. 2:3) [w08 2/15 p. 27 par. 2-3]

4. Ania ti maadaltayo iti situtured a panangusar ni Ehud iti kampilan? (Uk. 3:16, 21) [w97 3/15 p. 31 par. 4]

5. Kasano a makaparegta kadatayo ti panangusig iti pamay-an ni Jehova a nangisalakan kada Gideon ken ti 300 a tattaona? (Uk. 7:19-22) [w05 7/15 p. 16 par. 8]

6. Kasano a ti kararua ni Jehova ket “di nakaanus gapu iti pakariribukan ti Israel”? (Uk. 10:16) [cl p. 254-255 par. 10-11]

7. Idi nagkari ni Jefte, pampanunotenna kadi ti agidaton iti tao? (Uk. 11:30, 31) [w05 1/15 p. 26 par. 1]

8. Ti kadi bileg ni Samson ket literal nga adda iti buokna? (Uk. 16:18-20) [w05 3/15 p. 28 par. 5-6]

9. Kasano a makatulong kadatayo ti pannakaawat iti salaysay iti Uk-ukom 16:3 maipapan iti nakaskasdaaw nga inaramid ni Samson? [w04 10/15 p. 15-16 par. 7-8]

10. Maipapan iti natauan a kararua, ania ti maadaltayo iti sasao a masarakan iti Uk-ukom 16:30? [w90 9/1 p. 5 par. 5; sp p. 13-14]