Repaso iti Teokratiko nga Eskuelaan ti Panagministro

Mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Abril 26, 2010. Mangikondukta ti manangaywan iti eskuelaan iti 20-minuto a repaso a naibatay iti material a saklawen dagiti paset para iti lawas ti Marso 1 agingga iti Abril 26, 2010.

1. Ania ti kayat a sawen ni Noemi idi kinunana: “Ni Jehova ti nangipababa kaniak ket ti Mannakabalin-amin ti nangpataud iti didigra kaniak”? (Ruth 1:21) [w05 3/1 p. 27 par. 1]

2. Ania dagiti galad ni Ruth a namagbalin kenkuana a ‘nakasaysayaat a babai’? (Ruth 3:11) [w05 3/1 p. 28 par. 6]

3. Kasano a napabileg ti asawa ni Elcana gapu iti imbagana a “saanak aya a naim-imbag kenka ngem iti sangapulo nga annak a lallaki”? (1 Sam. 1:8) [w90 3/15 p. 27 par. 5-6]

4. Apay a saan nga umiso ti kiddaw ti Israel a maaddaanda iti ari? (1 Sam. 8:5) [w05 9/15 p. 20, par. 17; it-2-E p. 163 par. 1]

5. Uray ‘lakayen ken ubanan,’ kasano a pinaneknekan ni Samuel nga isu ket mapagulidanan iti panagkararag maipaay iti sabsabali, ken ania ti itampok dayta? (1 Sam. 12:2, 23) [w07 6/1 p. 29 par. 14-15]

6. Apay a nangipakita ni Saul iti naisangsangayan a konsiderasion kadagiti Keneo? (1 Sam. 15:6) [w05 3/15 p. 22 par. 10]

7. Ania ti nangtignay ken Saul a mangyimtuod ken David, “Makin-anak kenka, agtutubo?” (1 Sam. 17:58) [w07 8/1 p. 31 par. 3, 5]

8. Ania ti masursurotayo iti panangtaming ni David iti nadagsen a parikut idiay Gat? (1 Sam. 21:12, 13) [w05 3/15 p. 24 par. 4]

9. Kasano a naiparangarang ti ayat ken kinapakumbaba ni Jonatan idi agkasapulan ti gayyemna a ni David iti tulong ken pammaregta? (1 Sam. 23:17) [lv p. 28 par. 10, footnote]

10. Ania ti masursurotayo iti pannakiuman ni Saul iti mangkukulam idiay En-dor? (1 Sam. 28:8-19) [w05 3/15 p. 24 par. 7]