Dagiti Pakaammo

◼ Literatura a tukon iti Enero: Ania a Talaga ti Isursuro ti Biblia? No addaanen ti bumalay iti kastoy a libro, mabalin nga itukon dagiti agibumbunannag ti aniaman a 192 ti panidna a libro a naipablaak sakbay ti 1995. Pebrero: Mabalin nga itukon Ti Sekreto ti Kinaragsak iti Pamilia wenno Ti Biblia—Saot’ Dios Wenno iti Tao? Marso: Ania a Talaga ti Isursuro ti Biblia? Abril ken Mayo: Dagiti magasin a Pagwanawanan ken Agriingkayo!

◼ Ti Memorial ita a tawen ket maangay inton Domingo, Abril 17, 2011, kalpasan ti ilelennek ti init. Maangay koma iti sabali nga aldaw dagiti gimong a maang-angay iti Domingo tapno ti Memorial laeng ti maangay inton Abril 17 malaksid kadagiti taripnong sakbay ti panangasaba. Dagiti manangaywan iti sirkito nasken a baliwanda ti eskediulda iti dayta a lawas sigun kadagiti lokal a kasasaad. Maipatulodto dagiti imbitasion iti tunggal kongregasion tapno maimbitaranyo ti amin iti teritoriayo a tumabuno iti daytoy a naisangsangayan nga okasion.

◼ Ti espesial a palawag publiko iti daytoy a tawen ket maangay iti lawas ti Abril 25, 2011, isu a maipalawagto dayta iti kaaduan a kongregasion inton Domingo Mayo 1, 2011. Ti palawag ket napauluan “Dagiti Prinsipio iti Biblia—Matulongandatayo Kadi a Mangsaranget Kadagiti Agdama a Parikut?” Kadagiti kongregasion a mairana ti panagbisita ti manangaywan iti sirkito wenno ti asambleada iti dayta a ngudo ti lawas, maangay ti espesial a palawag iti sumaruno a lawas. Awan koma ti kongregasion a mangangay iti espesial a palawag sakbay ti Abril 25.

◼ Mangrugi iti Marso, ti baro a palawag publiko para kadagiti manangaywan iti sirkito ket “Kasano nga Apektaran ti Kinapudno ti Biagyo?”