No Ania ti Ibaga No Itukon Dagiti Magasin

Ti Pagwanawanan Marso 1

“Nagduduma ti opinion dagiti tattao maipapan ken Jesus. Ibilbilangyo kadi ni Jesus kas anak ti Dios wenno maysa laeng a naimbag a tao?” Palubosanyo a sumungbat. Kalpasanna, basaenyo ti material iti babaen ti maysa kadagiti napuskol ti pannakaisuratna a saludsod iti panid 16-17 ken ti maysa kadagiti naisitar a teksto. Itukonyo dagiti magasin sa pagtulaganyo no kaanokayo nga agsubli tapno usigenyo ti sungbat ti sumaruno a saludsod.

Agriingkayo! Marso

No agtutubo ti makasabaanyo, ipakitayo ti artikulo a mangrugi iti panid 26. Ipakitayo ti umuna a subtitulo sa isaludsodyo, “Iti panagkunam, umiso kadi dagitoy wenno saan? [Palubosanyo a sumungbat sa basaenyo ti 2 Corinto 7:1.] Ilawlawag daytoy a magasin no ania ti nasken a maammuam maipapan iti panagsigarilio ken no kasano a maisardeng daytoy nga aramid.”

Ti Pagwanawanan Abril 1

“Nagduduma ti patpatien dagiti tattao maipapan ken Jesus. Iti panagkunayo, napateg kadi nga ammuentayo ti pudno maipapan kenkuana? [Palubosanyo a sumungbat sa basaenyo ti Juan 17:3.] Ilawlawag daytoy a magasin no ania ti kuna ti Biblia maipapan ken Jesus—ti naggapuanna, ti wagas ti panagbiagna, ken ti makagapu iti ipapatayna.”

Agriingkayo! Abril

“Umanamongkayo kadi a ti ipapatay ti ing-ingungotentayo ket maysa kadagiti kasasaeman a kapadasantayo iti biag? [Palubosanyo a sumungbat.] Natakuatan ti adu a makatulong daytoy a balakad. [Basaenyo ti Salmo 55:22.] Ilawlawag daytoy a magasin ti sumagmamano a praktikal a pamay-an no kasanotayo a mailiwliwag ti ladingit, ken no kasanotayo nga iyallatiw ti awittayo iti Dios.”