Dagiti Pakaammo

◼ Literatura a tukon iti Oktubre: Dagiti magasin a Pagwanawanan ken Agriingkayo! No adda mangipakita iti interes, itukonyo ti tract a Kayatmo Kadi a Maammuan ti Kinapudno? ken ikagumaanyo ti mangirugi iti panangyadal iti Biblia. Nobiembre: Ti Biblia—Ania ti Mensahena? wenno aniaman a broshur nga adda iti kongregasionyo. Disiembre: Ti Katan-okan a Tao a Nagbiag Pay Laeng. No adda ubing pay nga anak ti bumalay, itukonyo ti libro nga Agsursuroka iti Naindaklan a Mannursuro wenno Ti Librok Dagiti Estoria ti Biblia. Enero: Ania a Talaga ti Isursuro ti Biblia? Ikagumaanyo ti mangirugi iti panangyadal iti Biblia iti damo a pannakisaritayo iti bumalay. No addaanen ti bumalay iti kasta a libro wenno saanna a kayat ti mayadalan, mabalin nga itukon dagiti agibumbunannag ti aniaman a daanen a magasin wenno aniaman a broshur a paginteresan ti bumalay.

◼ Yantangay ti Oktubre ket addaan iti lima a Sabado ken lima a Domingo, nagsayaat a bulan daytoy para iti panag-auxiliary pioneer.

◼ Mabalin a baliwan ti nakaeskediul a maadal iti gimong iti lawas sakbay ti kombension distrito tapno repasuenyo dagiti balakad ken palagip iti itatabuno iti kombension. Maysa wenno dua a bulan kalpasan ti kombensionyo, mabalin nga usaren ti paset a lokal a kasapulan iti panangrepaso kadagiti punto iti kombension a makatulong kadagiti agibumbunannag iti ministerio.