Pagtuladan a Presentasion

Panangirugi iti Panagadal iti Biblia iti Umuna a Sabado iti Disiembre

“Sigurado nga umanamongka a kasapulantayo amin ti gagayyem. Ania a kualidad ti maysa a gayyem ti kapatgan kenka? [Palubosanyo a sumungbat.] Imutektekanyo ti kuna daytoy a magasin maipapan iti no apay a pilientayo a naimbag dagiti gagayyemtayo.” Itedyo iti bumalay ti kopia ti Disiembre 1 a ruar Ti Pagwanawanan sa basaen ken pagsaritaanyo ti material iti sidong ti umuna a subtitulo iti panid 16. Mangbasakayo iti uray maysa laeng a teksto. Ipaimayo dagiti magasin sa ibagayo nga agsublikayto tapno usigenyo ti sungbat ti sumaruno a saludsod.

Ti Pagwanawanan Disiembre 1

“Napampanunotyo kadin no apay a nakaad-adu ita ti mapaspasamak a natural a didigra? [Palubosanyo a sumungbat.] Makapainteres ta impakpakauna ti Biblia ti panawen a pakapasamakan dagiti didigra. [Basaen ti Mateo 24:7, 8.] Daytoy a magasin sungbatanna dagitoy a saludsod: Apay a nakaad-adu ita ti mapaspasamak a natural a didigra? Pannusa kadi dagitoy manipud iti Dios? Ania dagiti panggapuantayo a mamati nga asidegen a pagpatinggaen ti Dios ti amin a natural a didigra?”

Agriingkayo! Disiembre

Basaen ti 2 Timoteo 3:16 sa kunaenyo: “Adda dagiti umanamong nga impaltiing ti Dios ti Biblia, ngem adda met dagiti saan. Ania ti panagkunayo? [Palubosanyo a sumungbat.] Nupay nagduduma ti opinion maipapan iti dayta a saludsod, umanamong ti kaaduan nga awanen ti sabali a libro a kasta unay ti panangikagumaan dagiti tattao a mangdadael. Ilawlawag daytoy a magasin ti sumagmamano kadagiti panangikagumaan a mangdadael iti Biblia ken panangiparit a mangbasa iti daytoy iti adu a siglo. Ilawlawagna pay no apay a saan a nadadael ti Biblia.”