Dagiti Pakaammo

◼ Literatura a tukon iti Pebrero: Itukonyo ti maysa kadagiti sumaganad: Is There a Creator Who Cares About You?, Ti Sekreto ti Kinaragsak iti Pamilia, Ti Biblia—Saot’ Dios Wenno iti Tao? Marso: Ania a Talaga ti Isursuro ti Biblia? Abril ken Mayo: Dagiti magasin a Pagwanawanan ken Agriingkayo!

◼ Inton Domingo, Pebrero 19, 2012, kalpasan ti Panagadal iti Pagwanawanan, addanto ababa a miting dagiti amin nga agpalplano nga ag-auxiliary pioneer iti Marso, ti bulan a mabalintayto ti agpili no 30 wenno 50 nga oras ti abutentayo. Ti manangaywan iti serbisio ti mangidaulo iti daytoy a miting. Siguraduenna nga adda umdas nga application form nga iwarasna.

◼ No planoyo ti agpasiar iti pagilian a saan a nailista iti kaudian a report iti tawen serbisio wenno saan a nailista iti maudi a panid ti kabaruan a Tinawen a Libro, pangngaasiyo ta makiumankayo iti sanga nga opisina tapno maammuanyo no ania a panagannad ti aramidenyo wenno no ania dagiti espesial nga instruksion a surotenyo. Amangan no maiparit ti trabaho mainaig iti Pagarian iti dayta a lugar. (Mat. 10:16) Iti dadduma a pagilian, saan a nainsiriban a makiuman dagiti bisita kadagiti Saksi wenno kongregasion iti dayta a lugar. Mabalin nga adda dagiti dadduma nga instruksion a maited kadakayo maipapan iti panangasaba iti di pormal wenno iti panangawit kadagiti literatura. Ti panangsurotyo kadagitoy nga instruksion ket makatulong tapno awan ti tumaud a parikut para kadakayo wenno iti trabaho mainaig iti Pagarian iti pagilian a papananyo.—1 Cor. 14:33, 40.