Dagiti Pakaammo

◼ Literatura a tukon iti Agosto: Mabalin nga itukon ti aniaman kadagiti broshur. No sumarungkarkayo, iruanganyo ti libro nga Isursuro ti Biblia wenno ti broshur nga Umimdengka iti Dios ket Agbiagka nga Agnanayon no ad-adda a maitutop iti kasapulan ti bumalay, ken ikagumaanyo ti mangirugi iti panangyadal iti Biblia. Setiembre ken Oktubre: Dagiti magasin a Pagwanawanan ken Agriingkayo! No sumarungkarkayo, iruanganyo ti libro nga Isursuro ti Biblia wenno ti broshur nga Umimdengka iti Dios ket Agbiagka nga Agnanayon ken ikagumaanyo ti mangirugi iti panangyadal iti Biblia. Nobiembre ken Disiembre: Mabalin nga itukon ti aniaman kadagiti tract. No adda mangipakita iti interes, ikagumaanyo ti mangirugi iti panangyadal iti Biblia babaen ti tract a Kayatmo Kadi a Maammuan ti Kinapudno?, wenno ti Asidegen nga Agpatingga ti Amin a Panagsagaba!

◼ Mangrugi iti Setiembre, ti baro a palawag publiko dagiti manangaywan iti sirkito iti panangbisitada kadagiti kongregasion ket “Ti Pannakipagna iti Dios Mangyeg Kadagiti Gunggona Ita ken iti Agnanayon.”

◼ Palagip Kadagiti Sekretario: Makaawat ti tunggal kongregasion iti dua a kopia ti Congregation Analysis Report (S-10). Ti sekretario ti kongregasion suratanna a siuumiso ken nalawag daytoy a porma sa sukimaten a naimbag ti komite ti serbisio. Iti likud ti porma, maisurat ti nagan dagiti amin a regular pioneer ken ti dagup nga oras ti tunggal maysa kadakuada iti daytoy a tawen serbisio. Ti orihinal a kopia ket maipatulod iti sanga nga opisina, a saan a naladladaw ngem iti Setiembre 6. Idulinyo ti maikadua a kopia iti salansan ti kongregasion.