Dagiti Pakaammo
◼ Literatura a tukon iti Disiembre: Mabalin nga itukon ti aniaman kadagitoy a tract: Asidegen nga Agpatingga ti Amin a Panagsagaba!, Tagiragsakenyo ti Biag ti Pamilia, Daytoy Kadi a Lubong Makalasatto?, wenno ti Aniat’ Namnama Kadagiti Ing-ingungoten a Natayen? No adda mangipakita iti interes, ikagumaanyo ti mangirugi iti panangyadal iti Biblia babaen ti tract a Kayatmo Kadi a Maammuan ti Kinapudno? wenno ti libro nga Isursuro ti Biblia. Enero ken Pebrero: Mabalin nga itukon ti maysa kadagiti sumaganad a 32 ti panidna a broshur: Pudno Aya a Maseknan ti Dios Kadatayo?, Ania ti Panggep ti Biag?, wenno Mabalinmo ti Makigayyem iti Dios! No adda mangipakita iti interes, ikagumaanyo ti mangirugi iti panangyadal iti Biblia, nga usarenyo ti aniaman kadagitoy a broshur. No sumarungkarkayo, usarenyo ti libro nga Isursuro ti Biblia ken ikagumaanyo ti mangipasdek iti regular a panangyadal iti Biblia. Marso ken Abril: Dagiti magasin a Pagwanawanan ken Agriingkayo! No sumarungkarkayo, usarenyo ti libro nga Isursuro ti Biblia wenno, no ad-adda a maitutop, ti broshur nga Umimdengka iti Dios ket Agbiagka nga Agnanayon, ken ikagumaanyo ti mangirugi iti panangyadal iti Biblia.
◼ Ti dutokan ti koordineytor ti bagi dagiti panglakayen sukimatenna ti kuenta ti kongregasion kadagiti bulan ti Setiembre, Oktubre, ken Nobiembre.—Kitaenyo ti Instructions for Congregation Accounting—(S-27).
◼ Teksto iti Tawen 2013: “Bumilegka ken pumigsaka. . . . ni Jehova a Diosmo adda kenka.”—Josue 1:9. Amin a kongregasion maiplastarda koman iti Kingdom Hall-da daytoy a baro a teksto iti tawen mangrugi inton Enero 1, 2013.
◼ Mangrugi iti Enero-Marso 2013 a ruar, ti magasin nga Agriingkayo! ket magun-odanen iti Pangasinan ken Waray-Waray iti tunggal tallo a bulan. Mabalinen nga agorder dagiti kongregasion babaen ti panangisubmitirda iti Magazine Request form.
◼ Dagiti agibumbunannag a mayat nga ag-auxiliary pioneer inton Marso 2013 ket mabalin nga agpili no 30 wenno 50 nga oras ti ragpatenda iti dayta a bulan. Maysa pay, no bumisita ti manangaywan iti sirkito iti kongregasionyo inton Marso, amin nga auxiliary pioneer ket maawis a tumabuno iti intero a panangmiting ti manangaywan iti sirkito kadagiti regular pioneer.