Dagiti Pakaammo

◼ Literatura a tukon iti Pebrero: Mabalin nga itukon ti maysa kadagiti sumaganad a 32 ti panidna a broshur: Pudno Aya a Maseknan ti Dios Kadatayo?, Ania ti Panggep ti Biag?, wenno Mabalinmo ti Makigayyem iti Dios! No adda mangipakita iti interes, ikagumaanyo ti mangirugi iti panangyadal iti Biblia, nga usarenyo ti aniaman kadagitoy a broshur. No sumarungkarkayo, usarenyo ti libro nga Isursuro ti Biblia ken ikagumaanyo ti mangipasdek iti regular a panangyadal iti Biblia. Marso ken Abril: Dagiti magasin a Pagwanawanan ken Agriingkayo! No sumarungkarkayo, usarenyo ti libro nga Isursuro ti Biblia wenno, no ad-adda a maitutop, ti broshur nga Umimdengka iti Dios ket Agbiagka nga Agnanayon, ken ikagumaanyo ti mangirugi iti panangyadal iti Biblia. Mayo ken Hunio: Mabalin nga usaren dagiti agibumbunannag ti maysa kadagiti sumaganad a tract: Siasino a Talaga ni Jehova?, Sino a Talaga ti Agturay ti Lubong?, No Apay a Mapagtalkanyo ti Biblia, wenno Kayatmo Kadi a Maammuan ti Kinapudno? No adda mangipakita iti interes, idemostrayo no kasano ti agadal iti Biblia babaen ti panangusaryo iti libro nga Isursuro ti Biblia wenno ti broshur nga Umimdengka iti Dios ket Agbiagka nga Agnanayon.

◼ Inton Domingo, Pebrero 17, kalpasan ti Panagadal iti Pagwanawanan, addanto ababa a miting dagiti amin nga agplamplano nga ag-auxiliary pioneer kabayatan ti Marso, Abril, ken Mayo. Ti manangaywan iti serbisio ti mangidaulo iti daytoy a miting. Siguraduenna nga adda umdas nga application form nga iwarasna.

◼ Ti espesial a palawag publiko para iti panawen ti Memorial iti 2013 ket natemaan iti “Ti Kadi Ipapatay ti Pagpatinggaan ti Amin?” Maangay daytoy iti lawas ti Abril 1, 2013.

◼ Adda naisagana a baro a balabala ti palawag ti Memorial ket daytoyto ti usaren dagiti amin nga ispiker iti Memorial mangrugi iti 2013. Napauluan daytoy iti “Agyamankayo iti Inaramid ni Kristo Agpaay Kadakayo!”