Dagiti Pakaammo

Literatura a tukon iti Pebrero: Naimbag a Damag Manipud iti Dios wenno ti maysa kadagitoy a 32 ti panidna a broshur: Pudno Aya a Maseknan ti Dios Kadatayo?, Ania ti Panggep ti Biag?, wenno Mabalinmo ti Makigayyem iti Dios! Marso ken Abril: Ti magasin a Pagwanawanan ken Agriingkayo! Mayo ken Hunio: Ania a Talaga ti Isursuro ti Biblia? wenno ti maysa kadagiti sumaganad a tract: Siasino a Talaga ti Mangkonkontrol iti Lubong?, Ania ti Makunam Maipapan iti Biblia?, wenno Kayatmo Kadi a Maammuan ti Kinapudno?

Inton Domingo, Pebrero 16, kalpasan ti Panagadal iti Pagwanawanan, addanto ababa a miting dagiti amin nga agplamplano nga ag-auxiliary pioneer iti Marso, Abril, ken Mayo. Ti manangaywan iti serbisio ti mangidaulo iti daytoy a miting. Siguraduenna nga adda umdas nga application form nga iwarasna.

Ti palawag publiko nga ipaay dagiti manangaywan iti sirkito mangrugi inton Marso 2014 ket napauluan iti “Pannakaispal Manipud iti Didigra iti Lubong.”

Iti panangasaba iti publiko babaen ti lamisaan wenno cart, saan a rumbeng a mangidispley dagiti agibumbunannag iti Biblia. Nupay kasta, mabalin a mangitugotda iti Biblia nga itedda kadagiti tattao nga agkiddaw iti dayta wenno kadagidiay sipapasnek nga aginteres iti kinapudno.