Pagtuladan a Presentasion

Ti Pagwanawanan Agosto 1

“Bumisbisitakami iti apagbiit ta kayatmi a tulongan dagiti kaarrubami a mangsango iti maysa a gagangay a problema. Ti maysa kadagiti karirigatan a daeran ket ti ipapatay ti ipatpategtayo iti biag. Umanamongkayo kadi? [Palubosanyo a sumungbat.] Kitaenyo daytoy makaparegta a kari ti Biblia. [Basaen ti Apocalipsis 21:3, 4.] Ipanamnama kadatayo ti Biblia nga addanto aldaw nga agbiagto manen dagiti pimmusayen nga ipatpategtayo. Ilawlawag daytoy a magasin no kasano a mapasamak dayta.”

Agriingkayo! Agosto

“Adda artikulo a kayatmi nga ipakita kadagiti kaarrubami. Daytoy ket maipapan iti nakaad-adu nga impormasion a linaon ti selulatayo. [Ipakitayo ti akkub ti Agriingkayo!] Adu ti mamati a nagtaud ti biag iti ebolusion, ngem adda met dagiti mangibaga a naparsua ti biag. Ania ti makunayo? [Palubosanyo a sumungbat.] Ilawlawag daytoy a magasin dagiti takuat maipapan iti nakaskasdaaw a kinakomplikado dagiti selula, a dayta ti mamagpanunot iti sumagmamano a sientista nga adda la ketdi nangdisenio iti biag.”