Nagsakripisio ni Ester Para ken Jehova ken iti Ili ti Dios

Natured ken nagsakripisio ni Ester a nangidepensa ken Jehova ken iti ili ti Dios

8:3-5, 9

• Natalged idi ti kasasaad da Ester ken Mardokeo. Ngem ti bilin ni Haman a mapapatay amin a Judio ket nagwarasen iti intero nga imperio

• Inrisgo manen ni Ester ti biagna ta nagparang iti sanguanan ti ari a saan a naawis. Nagsangit maigapu kadagiti kailianna ket kiniddawna iti ari a waswasenna ti nakaam-amak a bilin

• Saan a mabalin a waswasen ti bilin a naipaulog iti nagan ti ari. Isu a ti ari inikkanna da Ester ken Mardokeo iti autoridad a mangipaulog iti baro a bilin

Dakkel a panagballigi ti impaay ni Jehova iti ilina

8:10-14, 17

• Naipaulog ti maikadua a bilin a nangted kadagiti Judio iti kalintegan a mangidepensa iti bagida

• Sipapartak a napan dagiti nakakabalio a mensahero iti amin a paset ti imperio, ket nagsagana dagiti Judio a makigubat

• Adu ti nakakita iti ebidensia ti pananganamong ti Dios ket nagbalinda a Judio a proselita